ხელისუფლება აუცილებლად გამოყრის უამრავ სიბინძურეს. ეცდება კორცხელის მსგავსი ინციდენტები მოაწყოს,- ამის შესახებ საპრეზიდენტო კანდიდატმა გრიგოლ ვაშაძემ "ინტერპრესნიუსს" განუცხადა. ვაშაძემ მხარდამჭერებს მოუწოდა ჩხუბსა და დაპირისპირებას არ აჰყვნენ.
"ყველა ჩვენს მხარდამჭერს მინდა ვუთხრა, ხელისუფლება აუცილებლად გამოყრის უამრავ სიბინძურეს. ეცდება კორცხელის მსგავსი ინციდენტები მოაწყოს, გადაიყვანოს საარჩევნო პროცესი ცემა-ტყეპაში. ყველას ვთხოვ, ასევე ცივილიზებულად გავაგრძელოთ საარჩევნო კამპანია, როგორც ვაკეთებდით. არავითარი დაპირისპირება, არავითარი ჩხუბი, დედის გინება. ლაპარაკი უნდა იყოს მხოლოდ და მხოლოდ ციფრებითა და ფაქტებით, იმიტომ, რომ ჩვენ არჩევნები მოგებული გვაქვს და ამ მოგებას უბრალოდ დაცვა უნდა 28 ოქტომბრამდე", - განაცხადა გრიგოლ ვაშაძემ.