ეკონომიკის მინისტრი - აგვისტო არის ნელი თვე და პრობლემას ვერ ვხედავთ, რომ აგვისტოში ეკონომიკური ზრდის მაჩვენებელი იყო 2%

აგვისტო არის ნელი თვე და ამაში პრობლემას ვერ ვხედავთ, რომ აგვისტოში ეკონომიკური ზრდის მაჩვენებელი იყო 2%, - ამის შესახებ ეკონომიკისა და მდგრადი განვითარების მინისტრმა, გიორგი ქობულიამ განაცხადა.

მისივე მტკიცებით, მიზანი, რომელიც საქართველოს მთავრობას აქვს და წლის 5 %-იანი ეკონომიკური ზრდით დასრულებას გულისხმობს, აუცილებლად იქნება მიღწეული.

„ჩვენ გვაქვს მიზანი, რომ წელს მივაღწიოთ 5%-იან ეკონომიკურ ზრდას და უკვე მივდივართ ამ მიზნისკენ, თან საკმაოდ დარწმუნებული ნაბიჯებით. ეს 5% აუცილებლად მიიღწევა. ზოგიერთ შემთხვევაში შეიძლება ეს მაჩვენებელი იყოს 7%, ზოგიერთში 8%, 3% და 2%. საშუალოდ უნდა მივაღწიოთ 5%-ს. ჩვენ დარწმუნებული ვართ, რომ ამ მაჩვენებელს მივაღწევთ. ამაში დარწმუნებული ვართ არა მხოლოდ ჩვენ, არამედ მთელი რიგი დამოუკიდებელი საერთაშორისო ორგანიზაციები აკეთებენ მსგავს პროგნოზს. 2%-იანი ზრდის კონკრეტულ მიზეზებს რაც შეეხება - ეს იყო მოსალოდნელი, რადგან ჩვენ ვიცოდით, რომ მშენებლობის ნებართვების გაცემის ტემპის შეჩერებას გავლენა ექნებოდა. გააზრებულად ვიცოდით, რომ ამას ექნებოდა ზემოქმედება ეკონომიკურ ზრდაზე, მაგრამ ჩვენ ბევრჯერ ვილაპარაკეთ ამაზე, რომ ეკონომიკური ზრდის გარდა გვინდა, რომ ნორმალურ პირობებში ვცხოვრობდეთ და ქალაქი გავდეს ქალაქს. ამიტომ ჩვენ გავაჩერეთ რაღაც რაოდენობით ლიცენზიები, თუმცა ეკონომიკური ზრდის შეჩერებას აუცილებლად დავაკომპენსირებთ. რადგა ამისა, ვითარდება ტურიზმი. ასევე ჩვენ ვაპირებთ ადამიანების გადამზადებას, რაშიც დონორები გვეხმარებიან. იგეგმება მასშტაბური გადამზადების პროგრამები. გარდა ამისა, ჩვენ ინფრასტრუქურულ პროექტებში გვქონდა შედარებით დაბალი აქტივობა, მაგრამ ის აქტივობა, რაც იგეგმებოდა, ამ თვეებში ორმაგი ტემპებით განხორციელდება. გარდა ამისა, ფერო გავიდა რემონტზე, მაგრამ როგორც კი გამოვა, ორმაგად იმუშავებს.

კლება იყო ასევე აზოტში და მოლოდინი არის, რომ ეს საკითხიც დაკომპენსირდება“, - განაცხადა გიორგი ქობულიამ.

მინისტრის თქმით, ისეთი დაბალი მაჩვენებელი, როგორიც აგვისტოში დაფიქსირდა, მოსალოდნელი აღარ არის.

„ეს იყო გააზრებული. აგვისტო არის ნელი თვე და ჩვენ ამაში პრობლემას ვერ ვხედავთ, რომ აგვისტოში ეკონომიკური ზრდის მაჩვენებელი იყო 2%. არსებობს გათვლები და მსგავსი დაბალი მაჩვენებელი მოსალოდნელი აღარ არის. ჩვენ არ უნდა ვსდიოთ ყოველთვიურ ზრდას, ჩვენ უნდა ჩავატაროთ ყოველთვიური რეფორმები, რომ შევძლოთ და საშუალება მივცეთ ეკონომიკას, რომ სისტემურად გაიზარდოს. მოსახლეობის 50% თვითდასაქმებულია, ან უმუშევარი, ეს ცუდია, მაგრამ კარგია იმ თვალსაზრისით, რომ გვაქვს პოტენციალი - ეს ხალხი რომ ავამუშაოთ, წარმოიდგინეთ რას მივაღწევთ“, - აღნიშნა გიორგი ქობულიამ.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა