ირმა ინაშვილი - დარწმუნებული ვარ, გამოჩნდება ღირსეული დეპუტატი და ჩვენი ფრაქცია შეივსება - თუ არ გამოჩნდება, ვერც ამაში ვხედავ ტრაგედიას

პოლიტიკა არის ცოცხალი პროცესი, ჩვენი გუნდის წევრები მოდიან და ზოგჯერ მიდიან, არ მახასიათებს ვილაპარაკო ნეგატიურ ჭრილში იმ ადამიანებზე, რომლებიც მიდიან ჩემი გუნდიდან, - ამის შესახებ ფრაქცია „საქართველოს პატრიოტების“ თავმჯდომარე ირმა ინაშვილმა ჟურნალისტებს განუცხადა. მისი თქმით, ის მათი პარტიიდან და ფრაქციიდან წასულ ნატო ჩხეიძეს წარმატებებს უსურვებს.

„მე არ მაქვს არავითარი წყენა მასზე. მისი არჩევანია, სად იქნება. მათ მკაფიო არჩევანი გააკეთეს, ეს არის „რუსთავი 2“ და „ნაციონალური მოძრაობა“, - განაცხადა ინაშვილმა.

მისივე თქმით, ფრაქციის დაშლაზე საუბარი ნაადრევია.

„ქალბატონი ნატო ფრაქციიდან გავიდა, ნუ ხარობს მიხეილ სააკაშვილი და ყველა ჩართვაში ლაპარაკობს იმაზე, რომ იშლება „პატრიოტთა ალიანსი“. ნაადრევია მიხეილ სააკაშვილის და „ნაციონალური მოძრაობის“ ორივე ფრთის სიხარული. ჩვენი ფრაქცია შეივსება, დარწმუნებული ვარ გამოჩნდება ღირსეული დეპუტატი და ერთობლივად განვაგრძობთ საპარლამენტო საქმიანობას. თუ ასეთი დეპუტატი არ გამოჩნდება, ვერც ამაში ვხედავ ტრაგედიას, დამოუკიდებელ დეპუტატებად, მაგრამ ერთ გუნდად განვაგრძობთ ჩვენს საპარლამენტო მუშაობას“, - განაცხადა ირმა ინაშვილმა.

მისი თქმით, ამ დროისთვის არავისთან არ მიმდინარეობს კონსულტაცია, ეს არის საჯარო პროცესი და თუ ვინმე სურს მათ ფრაქციას შეურთდეს, საჯაროდ შეუძლია გააკეთოს განცხადება.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო