გიორგი ქობულია  - მე არ შეიძლება ყველაფერი ვიცოდე - იცით, რამდენი კოლეგა მყავს? - ძალიან ბევრი

ხელისუფლებაში კლანური მმართველობა არ არის, - ამის შესახებ ეკონომიკისა და მდგრადი განვითარების მინისტრმა, გიორგი ქობულიამ განაცხადა.

მინისტრი გამოეხმაურა 13 არასამთავრობო ორგანიზაციის მიერ გავრცელებულ განცხადებას იმასთან დაკავშირებით, რომ ხელისუფლებაში არსებობს კლანური მმართველობა და ელიტური კორუფცია.

„ეს მართალი არ არის“, - განაცხადა ქობულიამ.

რაც შეეხება „ქართული ოცნების“ წარმომადგენლების შეფასებებს იმის შესახებ, რომ არასამთავრობო სექტორი პოლიტიკურ განცხადებებს აკეთებს და ეს მიუღებელია, მინისტრი პასუხობს, რომ არ იცის, მისი კოლეგები რას ამბობენ.

„მე არ შეიძლება ყველაფერი ვიცოდე. იცით, რამდენი კოლეგა მყავს? - ძალიან ბევრი. არ შეიძლება ვიცოდე ყველაფერი. რასაც ჩემი კოლეგები საუბრობენ, მაგრამ რადგან საუბრობენ, ალბათ, ამის საფუძველი აქვთ. მე ნუ მეკითხებით“, - განაცხადა ქობულიამ.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)