მამუკა ბახტაძე საქართველოს ბიზნესასოციაციას წევრებს ხვდება

პრემიერ-მინისტრი მამუკა ბახტაძე საქართველოს ბიზნესასოციაციის წევრებს ხვდება. შეხვედრა სასტუმრი „თბილისი მარიოტში“ მიმდინარეობს.

როგორც შეხვედრის დასაწყისში მამუკა ბახტაძემ განაცხადა, საქართველოს მთავრობა ბიზნეს და საინვესტიციო გარემოსთან დაკავშირებით აუცილებლად შეეცდება თამასის აწევას.

„ძალიან მიხარია, რომ დღეს შესაძლებლობა გვაქვს შევხვდეთ, ვისაუბროთ არსებულ მაკროეკონომიკურ სიტუაციაზე, ასევე ჩვენს გეგმებზე. კარგია, რომ შეხვედრა დაემთხვა მთავრობის დღევანდელ სხდომას, სადაც ჩვენ ვისაუბრეთ ორ ახალ ინიციატივაზე. მართლაც ისტორიული მნიშვნელობის ინიციატივებია.

ჩვენ აუცილებლად შევეცდებით თამასა უფრო მაღლა ავწიოთ, განსაკუთრებით ისეთ საკითხებზე, როგორიც ბიზნეს და საინვესტიციო გარემოა", - განაცხადა ბახტაძემ.

მისივე თქმით, ძალიან აქტიური და აგრესიული ნაბიჯები უნდა გადაიდგას იმისთვის, რომ საქართველო იქცეს რეგიონულ ჰაბად, მათ შორის ფინანსური და ეკონომიკური საქმიანობისთვის.

„ჩვენი მიზანია საქართველო გახდეს ფინანსური ცენტრი მთელი რეგიონისთვის. ჩვენ ვართ ძალიან მოწადინებულნი ამისთვის. ამას მივაღწევთ მხოლოდ ერთ შემთხვევაში, რომ თუ სახელმწიფოსა და კერძო სექტორს შორის თანამშრომლობა და კოორდინაცია იქნება ძალიან მაღალ დონეზე", - განაცხადა პრემიერმა.

მანვე შეხვედრაზე მთავრობის სხდომაზე დღეს გაჟღერებულ ინიციატივებზე ისაუბრა. პრემიერმა ბიზნესმენებს ასევე საბაჟო კოდექსში, განათლებაში, მწვანე ეკონომიკასა და მცირე და საშუალო ბიზნესში განხორციელებული რეფორმების შესახებ მიაწოდა ინფორმაცია.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!