დეპუტატი ალექსანდრე ერქვანია - მინდა, მივმართო მთავრობას, კანაფის კონტროლის შესახებ კანონპროექტი დროზე გაიწვიოს პარლამენტიდან

კანაფის კონტროლის შესახებ კანონპროექტთან დაკავშირებით, მინდა, მივმართო მთავრობას, დროზე გაიწვიოს კანონპროექტი, რომ შეწყდეს მოსახლეობაში არსებული სამართლიანი ვნებათაღელვა, - ამის შესახებ საპარლამენტო უმრავლესობის წევრმა ალექსანდრე ერქვანია პარლამენტის სესიაზე განაცხადა.

დეპუტატმა ქვეყანაში შექმნილ პრობლემებზე ისაუბრა და აღნიშნა, რომ იმ ფონზე როდესაც ქვეყანა იმყოფება დემოგრაფიული კატასტროფის წინაშე, ქვეყანაში უნდა მიმდინარეობდეს ეროვნული თვითშეგნების ამაღლება, ახალგაზრდებში სახელმწიფოებრივი აზროვნების ჩამოყალიბება.

„ამის საპირისპიროდ გარკვეული ძალები ლობირებენ ქვეყანაში უზნეობის დამკვიდრებას. ეს არის გეგმა ერის განადგურების, რადგან როცა ერი ირყვნება ვეღარ მრავლდება. ყველამ უნდა შეიგნოს რომ ეკლესიის დამარცხება შეუძლებელია. დღეს დუმილის დრო აღარ არის. ყველანი უნდა გავერთიანდეთ. აუცილებელია უცხო ქვეყნის მოქალაქეებისთვის ბინადრობის ნებართვის გაცემის გამკაცრება, ხოლო ზოგ ქვეყანასთან სავიზო რეჟიმის დაწესება, რადგან თუ ასე გაგრძელდა ძალიან მალე შეიძლება სტუმრად აღმოვჩნდეთ ჩვენს ქვეყანაში. კანაფის კონტროლის შესახებ კანონპროექტთან დაკავშირებით მინდა მივმართო მთავრობას, დროზე გაიწვიოს კანონპროექტი, რომ შეწყდეს მოსახლეობაში არსებული სამართლიანი ვნებათაღელვა. საქართველო არასდროს გახდება ნარკოტიკების გამავრცელებელი ქვეყანა“,- განაცხადა ერქვანიამ.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან