ირმა ინაშვილი - დამნაშავეები რომ დაგესაჯათ, იმ ვითარებაში არ იქნებოდით, რა ვითარებაშიც ხართ, არანაირ კოჭს „ოცნებას“ არ გავუგორებთ, თქვენი ვალი ჩვენ არ გვაქვს

დამნაშავეები რომ დაგესაჯათ, დღეს არ იქნებოდით იმ ვითარებაში, რა ვითარებაშიც ხართ. არავითარ შემთხვევაში, არანაირ კოჭს „ქართულ ოცნებას“ არ გავუგორებთ, თქვენი ვალი ჩვენ არ გვაქვს, - აღნიშნულის შესახებ „პატრიოტთა ალიანსის“ ერთ-ერთმა ლიდერმა ირმა ინაშვილმა პარლამენტის სესიაზე განაცხადა.

ირმა ინაშვილის თქმით, სამართლებრივ-პოლიტიკური შეფასება უნდა მიეცეს 2004-2012 წლებში სააკაშვილ-ბოკერიას მმართველობას, რაზეც მას რეზოლუციის პროექტი აქვს შემუშავებული. ინაშვილმა მმართველ გუნდს მოუწოდა, მხარი დაუჭირონ მის მიერ შემუშავებულ რეზოლუციას.

„ქართულ ოცნებას“ 2012 წლის შემდეგ ვეუბნებით, რომ დამნაშავეები უნდა დასაჯონ. დამნაშავები რომ დაგესაჯათ დღეს არ იქნებოდით იმ ვითარებაში, რა ვითარებაშიც ხართ და არ მოგიწევდათ ამ რეჟიმში ყოფნა. კიდევ ერთხელ მოგიწოდებთ მხარი დაუჭიროთ ჩვენს რეზოლუციას, რომელიც იურიდიულმა კომიტეტმა გუშინ განიხილა. მე დღეს წამოვიღე სამასი ათასი ხელმოწერა, ეს არის დადასტურება რეზოლუციაზე, რომელიც ითვალისწინებს მიეცეს სამართლებრივ-პოლიტიკური შეფასება 2004-2012 წლების სააკაშვილ-ბოკერიას მმართველობას. დავარქვათ სახელი რა ერქვა იმ მმართველობას, ჩვენ თუ არ დავარქმევთ სახელს, არ შევაფასებთ და არ ვიტყვით, რომ ის იყო რეჟიმი მუდმივად იქნებით იმ ვითარებაში რა ვითარებაშიც ხართ. ეს ახია თქვენზე. ღირსი ხართ იმის, რომ დღეს ორივე განშტოება „ნაციონალური მოძრაობის“ გეძახით რომ ატერორებთ ბიზნესს, მედიას, ღირსი ხართ ამის, რადგან 2012 წელს შანსი ხელიდან გაუშვით რომ დაგესაჯათ ეს კონკრეტული დამნაშავეები. არც ახლაა გვიან, მხარი დაუჭირეთ ამ რეზოლუციას. სად იყავით გუშინ „ქართული ოცნება“? ნუ იმალებით დაესწარით იურიდიული კომიტეტის სხდომას, თორემ ამ ქვეყანაში უკვე მიდის ფარული სამოქალაქო ომი. თუ თქვენ ვინმეს ატერორებთ, ისიც უნდა დაისაჯოს. მომხრე ვარ, რომ გამოძიება წარიმართოს და თუკი ვინმემ კანონს გადაუხვია, დაისაჯოს. არავითარ შემთხვევაში, არანაირ კოჭს „ქართულ ოცნებას“ არ გავუგორებთ. თქვენი ვალი ჩვენ არ გვაქვს, ქართველი ხალხი მეცოდება, ამას რომ უყურებს “,- განაცხადა ინაშვილმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა