პარლამენტის პლენარულ სხდომაზე დეპუტატების განცხადებებით გამოსვლისას, თითქმის ყველა ოპოზიციონერ დეპუტატს სპიკერატიდან პარლამენტის თავმჯდომარე ირაკლი კობახიძემ უპასუხა, რომელიც დღევანდელი პლენარული სხდომის წამყვანია.

ოპოზიციონერი დეპუტატების კრიტიკული გამოსვლები ძირითადად შეეხება „ქართული ოცნების“ მიერ მხარდაჭერილ პრეზიდენტობის კანდიდატ სალომე ზურაბიშვილს, „ომეგა ჯგუფის“ საქმეს და მიმდინარე პოლიტიკურ პროცესებს.

ოპოზიციის კრიტიკულ განცხადებებს ყველა ჯერზე პასუხი პლენარული სხდომის წამყვანმა ირაკლი კობახიძემ გასცა. ამასთან დაკავშირებით ოპოზიციონერმა დეპუტატმა ირმა ნადირაშვილმა პარლამენტის თავმჯდომარეს ურჩია, რომ სხვა დროს გამომსვლელთა რიგში ჩაეწეროს და განცხადებები ისე გააკეთოს.