არჩილ თალაკვაძე - ჩვენი ოპონენტების განცხადებები ადასტურებს, რომ ეს ხალხი ზურგით მიდის მომავლისკენ

ჩვენ გვქონდა გეგმა, რომ ევროპული ყაიდის საპრეზიდენტო საარჩევნო კამპანია ჩაგვეტარებინა. 28 ოქტომბერს ხალხი გასცემს პასუხს - თუ ვინ არის წარსულისკენ და ვინ მომავლისკენ, - ამის შესახებ საპარლამენტო უმრავლესობის ლიდერმა არჩილ თალაკვაძემ პარლამენტის სესიაზე განაცხადა.

თალაკვაძის შეფასებით, ხელისუფლების ოპონენტები ზურგით მიდიან მომავლისკენ, რასაც მათი განცხადებები ამტკიცებს.

„ჩვენი ოპონენტების განცხადებები ადასტურებს, რომ ეს ხალხი ზურგით მიდის მომავლისკენ. მათ უნდათ წარსულისგან გათავისუფლდნენ, მაგრამ ამავე დროს არც უნდათ ამ წარსულისგან გათავისუფლება. ჩვენ მართლაც გეგმა გვქონდა, რომ ევროპული ყაიდის საპრეზიდენტო საარჩევნო კამპანია ჩაგვეტარებინა. 28 ოქტომბერს ხალხი გასცემს პასუხს - თუ ვინ არის წარსულისკენ და ვინ მომავლისკენ. წარმატებით დასრულდა მოლაპარაკებები სავაჭრო პალატის საერთაშორისო საარბიტრაჟო სასამართლოსთან და საქართველოში საერთაშორისო სავაჭრო პალატის არბიტრაჟი დაფუძნდება. ვფიქრობ, ამ შეთანხმების თანახმად, საქართველოს ექნება ბიზნესდავების სანდო და სწრაფი გადაწყვეტის მექანიზმი, საერთაშორისო სავაჭრო პალატის საერთაშორისო სასამართლო, რითაც ჩვენი ქვეყანა ბიზნესისთვის კიდევ უფრო საიმედო გახდება. ეს არის გადაწყვეტილებები, რომელსაც ჩვენი ხელისუფლება იღებს. ეს არის მთავრობის და ჩვენი ხელისუფლების კიდევ ერთი წარმატებული ნაბიჯი თანამედროვე, ღია და კონკურენტული გარემოსთვის, რომელიც ვფიქრობ, მოიზიდავს მეტ ინვესტორს, შექმნის ახალ სამუშაო ადგილებს. ეს პირდაპირ უკავშირდება ჩვენი ქვეყნის მომავალს, ეკონომიკურ განვითარებას, რაც აისახება ხარისხიან განათლებაში, უკეთეს საპენსიო სისტემაში, უკეთეს ინფრასტრუქტურაში“,- განაცხადა თალაკვაძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო