ნატო-ს ოფიციალური პირი - ჩვენი ამოცანაა, საქართველო ნატო-ს საუკეთესო კანდიდატად ვაქციოთ

2004 წლიდან საქართველომ დიდ პროგრესს მიაღწია, თუმცა, ეს არ ნიშნავს, რომ მუშაობა დასრულებულია.

ამის შესახებ ნატო-ს ოფიციალურმა პირმა ნატო-ს თავდაცვის მინისტერიალის ფარგლებში ჟურნალისტებთან შეხვედრისას განაცხადა.

„საჭიროა კიდევ პროგრესი უკეთესი გამჭვირვალეობისა და სასამართლოს დამოუკიდებლობის კუთხით. გვსურს გაგრძელდეს მუშაობა უმცირესობების უფლებებზე. ყოველ წელს საქართველოს მთავრობა რეფორმებს აყენებს წლიური ეროვნული პროგრამის ფარგლებში. უდავოა, რომ საქართველო ნატო-ს დაუახლოვდა. საქართველო ალიანსის ერთ-ერთი უახლოესი პარტნიორია და ოპერატიული წვლილის შეტანის კუთხით ერთ-ერთი ლიდერი ქვეყანაა. საქართველოს წვდომა აქვს ყველაზე მეტ ინსტრუმენტზე, ვიდრე რომელიმე სხვა ნატო-ს პარტნიორ ქვეყანას აქვს“, - განაცხადეს ნატო-ში.

ჟურნალისტებთან საუბარში ნატო-ს ოფიციალურმა პირმა აღნიშნა, რომ „ყველაფერი, რაც ნატო-საქართველოს კონტექსტში კეთდება, საქართველოს ნატო-ში სამომავლო გაწევრიანებისთვის მომზადებაზეა მიმართული“.

„ჩვენ ასევე ფოკუსირებული ვართ იმაზე, რომ მოვამზადოთ საქართველო თავდაცვისთვის. შესაბამისად, ჩვენ მჭიდროდ ვმუშაობთ საქართველოსთან ამ კუთხით. ნატო-შე გაწევრიანების რაიმე დროის მონაკვეთი არ არსებობს. მიზეზი იმისა, თუ რატომ არ აქვს საქართველოს ჯერ MAP-ი, არის ის, რომ ალიანსის წევრებს შორის არ არის კონსენსუსი ამ საკითხზე. ჩვენი ამოცანაა, საქართველო ნატო-ს საუკეთესო კანდიდატად ვაქციოთ. ყველაფერი, რასაც ჩვენ ყოველდღიურად ვაკეთებთ, ამ მიზანზეა ფოკუსირებული. ვიმედოვნებთ, რომ იმ წერტილამდე მივალთ, როდესაც საქართველოს ვაქცევთ საუკეთესო კანდიდატად და ეს საშუალებას მოგვცემს საქართველო წინ წავწიოთ გაწევრიანების გზაზე“, - განაცხადა მან.

ნატო-ში ასევე ხაზგასმით აღნიშნავენ, რომ საქართველოს ტერიტორიული მთლიანობა უნდა აღდგეს, თუმცა ამავდროულად არ დაუშვებენ, რომ გადაუწყვეტელმა კონფლიქტმა შეაფერხოს ნატო-საქართველოს პარტნიორობა.

„თუ ჩვენ საქართველოს ნატო-ს წევრობის ძლიერ კანდიდატად გაქცევთ, რაც ნიშნავს, რომ ეს იქნება ქვეყანა, რომელსაც შეუძლია უკეთ დაიცვას თავისი თავი, სადაც ძლიერია კანონის უზენაესობა, გამჭვირვალობა, ეს გაადვილებს აფხაზეთისა და სამხრეთ ოსეთის საკითხის გადაჭრას. არ ვამბობ, რომ ეს იოლი იქნება. საქართველოს მთავრობა ამ მიმართულებით ბევრ სწორ ნაბიჯს დგამს“, - დასძინა ნატო-ს ოფიციალურმა პირმა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
ქართული USB კაბელი ტენე, მალე მეორადი ნარჩენებისგან დამზადდება
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება