ლევან იზორია - აშშ-ს თავდაცვის მდივანთან შეხვედრისას კიდევ ერთხელ გვქონდა შესაძლებლობა, ხაზი გაგვესვა, რომ რეგიონში საქართველო არის სამაგალითო

კიდევ ერთხელ გვქონდა შესაძლებლობა ხაზი გაგვესვა, რომ ვართ სტრატეგიული პარტნიორები და რეგიონში საქართველო არის სამაგალითო, - ამის შესახებ თავდაცვის მინისტრმა ლევან იზორიამ აშშ-ის თავდაცვის მდივანთან ჯეიმს მატისთან შეხვედრის შემდეგ ჟურნალისტებს განუცხადა.

მისი თქმით, შეხვედრაზე საუბარი შეეხო ბოლო წლებში საქართველოში განხორციელებულ რეფორმებს, ქვეყნის თავდაცვისუნარიანობის საკითხებსა და ნატო-ს ფორმატში თანამშრომლობის პერსპექტივებს.

„ძალიან საინტერესო და ხანგრძლივი შეხვედრა მქონდა ამერიკის შეერთებული შტატების თავდაცვის მდივანთან. ჩვენ კიდევ ერთხელ გვქონდა შესაძლებლობა ხაზი გაგვესვა, რომ ვართ სტრატეგიული პარტნიორები და რეგიონში საქართველო არის სამაგალითო. დღეს ჯეიმს მეტისმა ბრძანა, რომ მინისტერიალზე გამოიყენებს ფორმატს, რათა ის რეფორმები და წარმატებები, რაც გვაქვს ბოლო წლების განმავლობაში, საჯაროდ იქნეს გაცხადებული, როგორც მაგალითი არა მხოლოდ ნატო-ს პარტნიორი ქვეყნებისთვის, არამედ წევრი ქვეყნებისთვისაც.

ჯეიმს მატისმა განსაკუთრებით გაუსვა ხაზი იმას, რომ ჩვენ მთლიანი შიდა პროდუქტის 2% მივმართეთ თავდაცვის ბიუჯეტში. ასევე პროგრესი გვაქვს ჩვენი თავდაცვისუნარიანობის გაძლიერების და ნატო-სთან თავსებადობის გაზრდის კუთხით. ეს გამოიხატება პროგრამის „საქართველოს თავდაცვის მზადყოფნის“ ერთობლივად განხორციელებაში. ჩვენ ასევე ხაზგასმით აღვნიშნეთ ის მზარდი დინამიკა, რომელიც რეგიონში გვაქვს საერთაშორისო მრავალეროვნული სწავლებების განხორციელების თვალსაზრისით. მომავალ წელს ვგეგმავთ ორ ძალიან ამბიციურ სწავლებას. ერთი - მარტში ნატო-საქართველოს სწავლება, ხოლო მეორე - დასავლეთ საქართველოში „მტკიცე სულის“ სწავლების ჩატარება. აქ ნატო-ს წევრი და პარტნიორი ქვეყნების უპრეცედენტოდ დიდი რაოდენობა იქნება. ჩვენ ასევე შევეხეთ ნატო-ს ფორმატში თანამშრომლობის პერსპექტივებს. გვქონდა საინტერესო იდეები, თუ როგორ შეიძლება პრაქტიკული თანამშრომლობა უფრო ფართო გახდეს და აბსოლუტურად პოზიტიური იყო პასუხი ჩვენი თანამშრომლობის თვალსაზრისით“, - განაცხადა ლევან იზორიამ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა