სომხეთის პრემიერ-მინისტრის ნიკოლ ფაშინიანის განცხადებით, პარლამენტში წარმოდგენილი პარტიები შეთანხმდნენ, რომ არ წამოაყენებენ პრემიერობის ახალ კანდიდატებს, მას შემდეგ, რაც ის თანამდებობიდან გადადგება, რათა პარლამენტის დათხოვნა დააჩქაროს. ამის შესახებ მან პარლამენტში სიტყვით გამოსვლისას განაცხადა.

„ვადასტურებ, რომ საპარლამენტო ძალებმა თანხმობა განაცხადეს და არ წამოაყენებენ პრემიერობის ახალ კანდიდატებს, მას შემდეგ, რაც მე თანამდებობიდან წავალ. თუკი ისინი საკუთარ დაპირებას არ შეასრულებენ, ეს მათთვის პოლიტიკური თვითმკვლელობის ტოლფასი იქნება“, - აღნიშნა სომხეთის პრემიერმა.