ადვოკატი - გივი ჯიბლაძეს მიაჩნია, რომ არის სახელმწიფო მაღალი თანამდებობის პირების კონფლიქტის მსხვერპლი, ასევე, ასახელებს ბიზნესმენებს, ძმებ ქურდიანებს

გივი ჯიბლაძეს მიაჩნია, რომ არის მსხვერპლი სახელმწიფო მაღალი თანამდებობის პირების კონფლიქტისა, - ამის შესახებ სამშენებლო კომპანია "სვეტის" დაკავებული ხელმძღვანელი პირების ადვოკატმა ვალერი გელბახიანმა ჟურნალისტებთან საუბრისას განაცხადა.

ვალერი გელბახიანმა წინასწარი დაკავების იზოლატორში გივი ჯიბლაძე მოინახულა. სამმართველოს დატოვების შემდეგ კი თავად დაკავებულის პოზიცია ჟურნალისტებს გააცნო. ადვოკატის თქმით, მიმდინარე პროცესებს ჯიბლაძე ხელისუფლებას უკავშირებს, თუმცა ადვოკატმა ამ ეტაპზე კონკრეტული გვარები არ დაასახელა. ადვოკატმა საჯაროდ მხოლოდ ბიზნესმენების, ძმები ქურდიანების გვარი ახსენა.

"ჯერჯერობით მან ბრალის ფორმულირება არ იცის. მე მივაწოდე ის ინფორმაცია, რაც გაცხადდა - 180-ე მუხლი. ის არათუ არ ეთანხმება სავარაუდო ბრალდებას, არამედ აქვს თავისი მტკიცებულებები, რომ თავი იმართლოს. მიაჩნია, რომ არის მსხვერპლი სახელმწიფო მაღალი თანამდებობის პორების კონფლიქტისა.

მე ამ წუთში არ შემიძლია იმ პიროვნებების გვარების დასახელება, თუმცა ვიტყვი, რომ ის ასახელებს ბიზნესმენებს, კერძოდ, ძმებ ქურდიანებს, რომლებიც ჩართული არიან ამ პროცესში და რომ მათ „სვეტის“ ქონების ხელში ჩაგდება უნდათ. ასევე, ამბობს, რომ ეს პირები ხელისუფლების მაღალჩინოსნებთან არიან გარიგებაში. ქონების დათმობას რაც შეეხება, ის ამას არ აპირებს. მისი პოზიციაა, რომ დაამტკიცოს თავისი უდანაშაულობა და რომ ის კონსპირაციის მსხვერპლია", - განაცხადა ვალერი გელბახიანმა.

მისივე ინფორმაციით, დაკავებულებს ბრალს სავარაუდოდ ხვალ წარუდგენენ.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)