თბილისის საკრებულოს გლდანის მაჟორიტარი დეპუტატის გულია გოცირიძის შუამდგომლობით, გლდანის დევნილთა დასახლებაში მცხოვრებ 11 ოჯახს ბუნებრივი აირი და ელექტროენერგია მიეწოდება.
საკრებულოს ინფორმაციით, გულია გოცირიძის მიმართვის შემდეგ, კომპაქტურ ჩასახლება ,,აფხაზეთში“ მცხოვრები 11 ოჯახის გაზიფიცირების პროცესი დევნილთა, შრომის, ჯანმრთელობისა და სოციალური დაცვის სამინისტრომ სრულად დააფინანსა.
კომპანია ,,თელასმა “ კი, მოსახლეობას შეღავათები დაუწესა. ახალმა აბონენტებმა, პირველ ეტაპზე სერვისის ღირებულების 50% გადაიხადეს, დარჩენილ თანხას კი ეტაპობრივად დაფარავენ.
„გმირ კურსანტების # 27-ში ოთხსართულიანი კორპუსი მდებარეობს, რომლის პირველ, მეორე და მესამე სართულს ბუნებრივი აირი და ელექტროენერგია მიეწოდებოდა, ხოლო მეოთხე სართულზე მცხოვრები თექვსმეტი ოჯახი ბუნებრივი აირისა და ელექტროენერგიის გარეშე იყო დარჩენილი. დღეს ჩვენ შევძელით 11 ოჯახის დაკმაყოფილება, დარჩენილია ხუთი და მათი აბონენტებად დარეგისტრირება საცხოვრებელი ბინის დოკუმენტაციის მოგვარების შემდეგ მოხდება”, - განაცხადა გულია გოცირიძემ.