საერთაშორისო კონფერენციაზე ჰაერის დაცვის პოლიტიკის შემუშავებაზე იმსჯელეს

გარემოს დაცვისა და სოფლის მეურნეობის სამინისტროს ორგანიზებით, გაერო-ს ევროპის ეკონომიკური კომისიის (UNECE) ჰაერის კონვენციის ცნობადობის გაზრდის მიზნით, საერთაშორისო კონფერენცია გაიმართა.

კონფერენცია გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა მისასალმებელი სიტყვით გახსნა და ყურადღება პრემიერ-მინისტრის ინიცირებული გარემოსდაცვითი კონცეფციის „მწვანე ეკონომიკა“ ფარგლებში, ჰაერის მონიტორინგის და ჰაერის ხარისხის გაუმჯობესების მნიშვნელობაზე გაამახვილა.

ნინო თანდილაშვილმა ჰაერის დაცვის სწორი პოლიტიკის შემუშავებაში აქტიური დახმარებისა და მხარდაჭერისთვის დონორ ორგანიზაციებს მადლობა გადაუხადა.

“ჰაერის ხარისხის გაუმჯობესებისთვის, მნიშვნელოვანია ჰაერში ემისიის გაფრქვევების სტანდარტების დადგენა და საავტომობილო საწვავის შესაბამისი კვლევა”, - აღნიშნა ნინო თანდილაშვილმა.

საქართველო 1999 წლიდან არის ჰაერის კონვენციის მხარე ქვეყანა, რომელიც მიზნად ისახავს შეზღუდოს, ან შესაძლებლობის ფარგლებში ეტაპობრივად შეამციროს ატმოსფერული ჰაერის დაბინძურება.

კონფერენციაში გაერო-ს ევროპის ეკონომიკური კომისიის (UNECE) გარემოსდაცვითი განყოფილების დირექტორი მარკო კეინერი, სხვადასხვა სამინისტროს, ევროკავშირის დელეგაციის, თბილისის მუნიციპალიტეტის მერიის და არასამთავრობო ორგანიზაციების წარმომადგენლები მონაწილეობდნენ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო