აშშ-ს სენატის შენობაში საპროტესტო აქციის 300-ზე მეტი მონაწილე დააკავეს. ამის შესახებ კაპიტოლიუმის პოლიციის პრესსამსახურის უფროსმა ევა მალეცკიმ განაცხადა.
„ყველა დაკავებულს ბრალად მიტინგებთან და შეკრებებთან დაკავშირებული რეგულაციების დარღვევა ედებათ. ვაშინგტონის კანონმდებლობით კონგრესის კომპლექსის შენობებში დემონსტრაციების ჩატარება აკრძალულია“, - განაცხადა მალეცკიმ.
აღსანიშნავია, რომ საპროტესტო აქციები იმართება აშშ-ს უზენაესი სასამართლოს მოსამართლის პოსტზე ბრეტ კავანოს დანიშვნის წინააღმდეგ, რომელსაც ამერიკელი ქალი სექსუალურ შევიწროებაში ადანაშაულებს.