საქმე გვაქვს მაფიოზურ წარმონაქმნად გადაკეთებულ, ჩამოშლილ სახელმწიფოსთან, - ამის შესახებ ფრაქცია “ნაციონალური მოძრაობის“ წევრმა სალომე სამადაშვილმა “ომეგა ჯგუფთან“ დაკავშირებული პროცესების შეფასებისას გააკეთა.
“4 მილიონი “თიბისი ბანკიდან“ ყველა კანონის დარღვევით არის გატანილი. არსებობს ამის დამადასტურებული შესაბამისი დოკუმენტები, რომელიც შეინახება და შესაბამის დროს გამოქვეყნდება. საზოგადოება დაინახავს, რომ საქმე გვაქვს სრულიად ჩამოშლილ სახელმწიფოსთან, მაფიოზურ წარმონაქმნად გადაკეთებულ სახელმწიფოსთან, სადაც გადაწყვეტილებებს უწყებები იღებენ კოორდინირებულად, ერთი ადამიანის მითითებით - ეს ადამიანი არის ბიძინა ივანიშვილი“, - განუცხადა ჟურნალისტებს პარლამენტის წევრმა სალომე სამადაშვილმა.