ვლადიმერ კონსტანტინიდი - USAID-მა, საქართველოს ეკონომიკური და დემოკრატიული მაჩვენებლების მიხედვით, მაღალი შეფასებები მისცა

აშშ-ის საერთაშორისო განვითარების სააგენტომ, საქართველოს ეკონომიკური და დემოკრატიული მაჩვენებლების მიხედვით, მაღალი შეფასებები მისცა, - ამის შესახებ საგარეო საქმეთა სამინისტროს სპეციალურმა წარმომადგენელმა ვლადიმერ კონსტანტინიდიმ სამინისტროში გამართულ ბრიფინგზე განაცხადა.

„აშშ-ის საერთაშორისო განვითარების სააგენტომ გამოაქვეყნა ინფორმაცია ბენეფიციარების შესახებ, რომლის მიხედვითაც საქართველომ ეკონომიკური და დემოკრატიული მაჩვენებლების მიხედვით მაღალი შეფასებები მიიღო. გზამკვლევში სექტორულად არის შეფასებული პროგრესი თვითუზრუნველყოფის პროცესში და ხაზს უსვამს რეგიონში საქართველოს წამყვან როლს ლიბერალური დემოკრატიის ღია პასუხისმგებლიანი მმართველობის და ა.შ. რიგ კომპონენტებში სამოქალაქო საზოგადოებისა და მედიის ეფექტიანობის, გადასახადების ადმინისტრირების და ვაჭრობის თავისუფლების მიმართულებით საქართველოს უფრო მაღალი მაჩვენებლები აქვს, ვიდრე აღმოსავლეთ ევროპისა და ბალკანეთის ქვეყნებს. აღსანიშნავია, რომ მსგავსი სახის გზამკვლევი USAID-მა პირველად გამოაქვეყნა“, - განაცხადა კონსტანტინიდიმ.

მისივე თქმით, საგარეო საქმეთა სამინისტრო მიესალმება აშშ-ის საერთაშორისო განვითარების სააგენტოს მიერ გამოქვეყნებულ მაღალ შეფასებებს.

„აშშ-ის საერთაშორისო განვითარების სააგენტოს მიერ გამოქვეყნებული შეფასებები ადასტურებს საქართველოს მთავრობის განვითარების კურსის მიმართ შეერთებული შტატების მხარდაჭერას. მთავრობის პრიორიტეტია სწრაფი ეკონომიკური განვითარების უზრუნველყოფა, შესაბამისად, მნიშვნელოვანია, რომ ქვეყნის მიერ ეკონომიკისა და მართვის ეფექტიანობის გაუმჯობესების მიმართულებით მთავრობის ამბიციურ გეგმებს წარმატებულად აფასებს მთავარი სტრატეგიული პარტნიორი და დონორი ორგანიზაცია, რომლის მიერ საქართველოსთვის დღემდე გაწეული დახმარება მილიარდ ნახევარ აშშ დოლარს აჭარბებს“, - აღნიშნა მან.

მისივე თქმით, USAID-თან თანამშრომლობა მომავალშიც გაგრძელდება.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო