ამბროლაურის აეროპორტში უნიკალური კლასიკური ავტომანქანების რალი გაიმართა

1922 წლის გამოშვება Vauxhal, 1927 წლის გამოშვება MERCEDES BENZ ROADSTER, ამავე წლის გამოშვება BENTLEY და კიდევ 26 უნიკალური ავტომობილით მრბოლელები ერთმანეთს თვალახვეული უკუსვლით მანევრირებაში დღეს ამბროლაურის აეროპორტში შეეჯიბრნენ.

12 დღის განმავლობაში საქართველო კლასიკური ავტომობილების რალის - ''Peaks of the Caucasus“ მასპინძლობს. რალიში მონაწილე 29 ავტომობილი მეორე მსოფლიო ომამდელი წარმოებისაა. ყველაზე ძველი 1922 წლით თარიღდება, ხოლო ყველაზე ,,ახალგაზრდა“ 1951 წლის გამოშვება იაგუარია.

ამბროლაურის აეროპორტის ასაფრენ ზოლზე უნიკალური რალისთვის საგანგებო ბარიერები მოეწყო. წესების მიხედვით, თვალახვეულ მძღოლებს ბარიერისთვის უკუსვლით უნდა შემოევლოთ და გადაეკვეთათ ფინიშის ხაზი, მიმართულებას კი მათ ე.წ. შტურმანი კარნახობდა. შეჯიბრში მონაწილეობას როგორც მამაკაცი, ასევე ქალი მძღოლებიც იღებდნენ.

რალის მონაწილეები ამბროლაურის შემდეგ, ხვალ მესტიის აეროპორტში გადაინაცვლებენ. სტარტი კი მათ პირველ ოქტომბერს, თბილისში, თავისუფლების მოედნიდან აიღეს და 14 ოქტომბერს შატო მუხრანში დაასრულებენ. ჯამში საქართველოს თითოეულ კუთხეს მოივლიან და 2250 კილომეტრს დაფარავენ.

„Peaks of Caucasus”-ის იდეა ბარტ კლაინს ეკუთვნის, რომლის ორგანიზებითაც პირველად, 2005 წელს კლასიკური ავტომობილების რალი სახელწოდებით „Via- Flaminia“ იტალიაში ჩატარდა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა