ნინო ბურჯანაძე - ვლა­დი­მერ პუ­ტინს სა­ქარ­თვე­ლო არც ერთხელ არ მო­უ­ტყუ­ე­ბია, მათ შო­რის არც 2008 წელს

ვლა­დი­მერ პუ­ტინს სა­ქარ­თვე­ლო არც ერთხელ არ მო­უ­ტყუ­ე­ბია, მათ შო­რის არც 2008 წელს, - ამის შე­სა­ხებ "დე­მოკ­რა­ტი­უ­ლი მოძ­რა­ო­ბის“ ლი­დე­რმა ნინო ბურ­ჯა­ნა­ძემ ტე­ლე­კომ­პა­ნია "პა­ლიტ­რა­ნი­უ­სის" გა­და­ცე­მა­ში "7vs1" გა­ნა­ცხა­და.

ჟურ­ნა­ლის­ტის კი­თხვა­ზე, რა შე­იც­ვა­ლა მისი და რუ­სე­თის პრე­ზი­დენ­ტის შეხ­ვედ­რე­ბის შემ­დეგ ქარ­თულ-რუ­სულ ურ­თი­ერ­თო­ბებ­ში, ბურ­ჯა­ნა­ძემ პა­სუ­ხად პუ­ტი­ნის გან­ცხა­დე­ბა გა­იხ­სე­ნა, რო­მე­ლიც მისი თქმით, "ქარ­თულ­მა არ­ხებ­მა არ გა­უშ­ვეს", ხოლო ხელისუფლებამ არ გამოიყენა.

"ჩემი და მისი ერთ-ერთი შეხ­ვედ­რის შემ­დეგ პუ­ტინ­მა პრეს­კონ­ფე­რენ­ცი­ა­ზე გა­ა­კე­თა გან­ცხა­დე­ბა, რო­მე­ლიც ქარ­თულ­მა არ­ხებ­მა არც კი გა­უშ­ვეს. პუ­ტინს ჰკი­თხეს, არის თუ არა შან­სი, რომ რუ­სეთ­მა აფხა­ზე­თი­სა და ოსე­თის აღი­ა­რე­ბა უკან წა­ი­ღოს. მან ძა­ლი­ან ნათ­ლად უპა­სუ­ხა, რომ თუ ქარ­თვე­ლე­ბი და აფხა­ზე­ბი, ასე­ვე ქარ­თვე­ლე­ბი და ოსე­ბი მო­ი­ლა­პა­რა­კე­ბენ და ერ­თობ­ლივ ცხოვ­რე­ბა­ზე შე­თან­ხმე­ბი­ან, რა ტი­პის სა­ხელ­მწი­ფო­ებ­რივ მო­წყო­ბა­შიც გა­და­წყვე­ტენ ცხოვ­რე­ბას, ჩვენ მი­ვი­ღებთ მათ ამ გა­და­წყვე­ტი­ლე­ბას და ხელს არ შე­ვუშ­ლი­თო", - აღ­ნიშ­ნა ნინო ბურჯანაძემ.

"დე­მოკ­რა­ტი­უ­ლი მოძ­რა­ო­ბის“ ლი­დე­რს ჟურ­ნა­ლის­ტმა ჰკი­თხა, სჯე­რა თუ არა მას პუ­ტი­ნის აღ­ნიშ­ნუ­ლი გან­ცხა­დე­ბის. "მჯე­რა, რად­გან ის არის ადა­მი­ა­ნი, რო­მე­ლიც ძა­ლი­ან ღიად და პირ­და­პირ ლა­პა­რა­კობს და სხვა­თა­ შო­რის, არც ერთხელ სა­ქარ­თვე­ლო არ მო­უ­ტყუ­ე­ბია, მათ შო­რის არც 2008 წელს. ამის მოწ­მე მე ვი­ყა­ვი და ამის შე­სა­ხებ გან­ცხა­დე­ბა სა­ა­კაშ­ვილ­მაც გა­ა­კე­თა. მან გა­აფრ­თხი­ლა სა­ქარ­თვე­ლო, რომ თუ ისე მო­იქ­ცე­ო­და, რო­გორც ჩვენ მო­ვი­ქე­ცით, აუ­ცი­ლებ­ლად მოჰყ­ვე­ბო­და ამას ის, რაც მოჰყ­ვა. პო­ლი­ტი­კო­სის ამო­ცა­ნა ის კი არ არის, რომ მისი ან გვჯე­რო­დეს ან არა, ან მოგ­წონ­დეს რო­მე­ლი­მე პო­ლი­ტი­კო­სი ან არა, პო­ლი­ტი­კო­სის ამო­ცა­ნა არის ის, რომ მან მი­აღ­წი­ოს მო­ლა­პა­რა­კე­ბე­ბით იმ რე­ა­ლო­ბას, რაც უნდა დად­გეს", - აღ­ნიშ­ნა ბურ­ჯა­ნა­ძემ ჟურ­ნა­ლის­ტის ­პა­სუ­ხად.

იხილეთ ვიდეო: "პუტინს საქართველო არცერთხელ არ მოუტყუებია, მათ შორის არც 2008 წელს" - ნინო ბურჯანაძე

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა