თამარ ხულორდავა - შავი ზღვის რეგიონში არიან ქვეყნები, რომლებიც ევროპისკენ მიდიან, მაგრამ ჩვენ გვყავს სპილო ოთახში, რომელსაც თვალს ვერ ააცილებ

შავი ზღვის რეგიონში არიან ქვეყნები, რომლებიც მიდიან ევროპისკენ, მაგრამ ჩვენ ასევე გვყავს სპილო ოთახში, რომელსაც ვერაფრით ააცილებ თვალს, - ამის შესახებ პარლამენტის ევროპასთან ინტეგრაციის კომიტეტის თავმჯდომარემ, თამარ ხულორდავამ საქართველოს, მოლდოვას და უკრაინის საპარლამენტთაშორისო ასამბლეის საინაუგურაციო პლენარული სესიაზე სიტყვით გამოსვლისას განაცხადა.

„მოხარული ვარ, რომ ეს იდეა, რომელიც ცოტა ხნის წინ დაიბადა რეალიზებულია და ჩვენ გვაქვს შესაძლებლობა, ვიმსჯელოთ სამმხრივ დღის წესრიგში არსებულ საკითხებზე, მათ შორის იმაზე, თუ როგორ გავუმკლავდეთ არსებულ გამოწვევებს, რომელთა შორის არის უსაფრთხოების საკითხები. ზოგიერთი ამბობს, რომ ეს არ არის რეგიონი, მათ შორის, არც გეოგრაფიულად და მითუმეტეს, რომ არაფერი ვთქვათ კულტურაზეო. მისწრაფებებიც სხვადასხვა არის რეგიონში. უკრაინა, მოლდოვა და საქართველო მიდიან ევროპისკენ მიმავალ გზაზე, გვყავს ასევე ნატო-ს წევრები და ევროკაშირის წევრები, რომლებიც ზოგადად, შავი ზღვის მონაწილეები არიან, მაგრამ ჩვენ ასევე გვყავს სპილო ოთახში, რომელსაც ვერაფრით ააცილებ თვალს. ვფიქრობ, ის, რომ შავი ზღვა მოიცავს რუსეთს, ხელს უშლის ევროკავშირს, შავი ზღვის სტრატეგიის შემუშავებასა და განხორციელებაში. ევროკავშირის საზღვრებიც მოვიდა ჩვენამდე, მაგრამ ყველაზე დიდი პრობლემა არის, რომ ვეღარავინ გაიგო რა მოუხერხოს იმას, რომ რუსეთი არის ძალიან მნიშვნელოვანი მოთამაშე და მას აქვს თავისი გავლენის სფეროები, რომლის დათმობაც არ სურს. მისი სტრატეგია არის, რომ მოახდინოს ამ რეგიონის დესტაბილიზაცია და შეინარჩუნოს პრობლემები. რუსეთს სურს პრობლემური სტატუს კვო შეინარჩუნოს, რადგან ეს მას აძლევს ხელს“, - განაცხადა ხულორდავამ.

მისივე თქმით, სწორედ საქართველო, უკრაინა და რუსეთი არიან დაზიანებული იმ პრობლემებით, რომელსაც რუსეთი ქმნის.

„2008 წელს მოხდა ჩვენთან ომი, მაგრამ სამწუხაროდ, ეს არ აღმოჩნდა საკმარისი იმისთვის, რომ მსოფლიოს გაეგო, თუ რა პრობლემას წარმოადგენდა რუსეთი ცივილიზებული მსოფლიოსთვის. ამის შემდეგ მოხდა ყირიმის ანექსია, რომელიც კიდევ უფრო მეტი მიზეზი იყო გამოფხიზლებისთვის. მაშინ მსოფლიომ მეტ-ნაკლებად გაიაზრა, რომ მეტი სერიოზულობით უნდა შეეხედა ამ პრობლემისთვის. მოლდოვაც არის დაზიანებული კონფლიქტის გამო. ეს ყველაფერი არის რუსეთის სურვილი. კონფლიქტების მუდმივი გაცოცხლებით, პოლიტიკური ფსონი იზრდება ევროკავშირის და ნატო-სთვის, რომ ამ საკითხებში ჩაერთონ. ეს არის რუსეთის ინტერესი, ხოლო ჩვენი ინტერესია გავაერთიანოთ ძალები, რადგან შავი ზღვის არეალი არის უნიკალური და იძლევა ბევრ შესაძლებლობას. ჩვენ უნდა დავიწყოთ მეტი ფიქრი, თუ როგორ უნდა ვიმუშაოთ როგორც რეგიონმა“, - აღნიშნა ხულორდავამ.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“