„ევროპული საქართველოს“ პრეზიდენტობის კანდიდატმა დავით ბაქრაძემ საზოგადოებას „თბილისობის“ დღესასწაული მიულოცა.

"მინდა, თითოეულ თბილისელს მივულოცო ჩვენი საყვარელი ქალაქის დღესასწაული და ვისურვო ის, რაც თითოეულ ჩვენთაგანს ძალიან გვაკლია. მეტი იმედი, მეტი სითბო, მეტი რწმენა ხვალინდელი დღის, მშვიდობა და უკეთესობა თითოეულ ოჯახში. ვულოცავ ყველა თბილისელს, საქართველოს ყველა მოქალაქეს, იმიტომ, რომ „თბილისობა“ არის ყველა თბილისელის და მთელი საქართველოს ზეიმი. ყველა თბილისელთან ერთად ზეიმობს მთელი საქართველო ამ დღესასწაულს" , - განაცხადა დავით ბაქრაძემ.