სრულიად საქართველოს კათოლიკოს-პატრიარქმა, ილია მეორემ და უკრაინის რადას სპიკერმა ანდრი პარუბმა უკრაინაში არსებული მდგომარეობა განიხილეს. ამის შესახებ ინფორმაციას საქართველოს საპატრიარქო ავრცელებს.
სრულიად საქართველოს კათოლიკოს-პატრიარქმა მღვდელმთავრებთან ერთად უკრაინის რადას სპიკერი, ანდრი პარუბი და მისი თანმხლები პირები მიიღო.
შეხვედრაზე განხილულ იქნა უკრაინაში არსებული მდგომარეობა.
„აუცილებელია წინასწარი შეფასებებისაგან თავის შეკავება, ვიდრე არ დაფიქსირდება საეკლესიო კანონიკური სამართლის ნორმებზე დაფუძნებული მსოფლიო საპატრიარქოსა და რუსეთის ეკლესიის ოფიციალური და საბოლოო პოზიცია,” – განაცხადა მისმა უწმინდესობამ.
ანდრი პარუბმაც დასძინა, რომ გადაწყვეტილება კანონიკურ სამართალს უნდა ემყარებოდეს“, – აცხადებენ საპატრიარქოში.