სალომე ზურაბიშვილი - დიპლომატებთან შეხვედრისას ვისაუბრეთ საარჩევნო კამპანიაზე, როგორ ვითარდება უხამსი სიტყვებით და აგრესიული ტონალობით

პრეზიდენტობის კანდიდატი სალომე ზურაბიშვილი საქართველოში აკრედიტებულ დიპლომატიური კორპუსის წარმომადგენლებს შეხვდა. საუბრის ძირითადი თემა მიმდინარე საარჩევნო კამპანია იყო.

როგორც ჟურნალისტებს შეხვედრის დასრულების შემდეგ სალომე ზურაბიშვილმა განუცხადა, საელჩოების წარმომადგენლებს მან იმ „აგრესიული საარჩევნო კამპანიის შესახებ“ აცნობა, რომელიც მის წინააღმდეგაა მიმართული.

„ვისაუბრეთ საარჩევნო კამპანიაზე, როგორ ვითარდება თავისი უხამსი სიტყვებით და ძალიან აგრესიული ტონალობით. რაც გუშინ ვუთხარი ევროკავშირის ელჩებს - წარმოუდგენელია, რომ ზოგიერთი მედიაწარმომადგენელი თავს უფლებას აძლევს საარჩევნო კამპანიაში ჩაერიოს ასეთი აგრესიული ფორმით და ძალადობისა და მუქარის ტონით. ეს ყველაფერი მათთვისაც ძალიან გასაკვირია. ეს არამხოლოდ ევროპელებს გაუკვირდათ, მე მგონი, უკვირთ და წყინთ, რადგან საქართველოს არ აქვს ეს სურათი საზღვარგარეთ და სამწუხაროა, რომ ჩვენ დღეს, იმ შემთხვევაში როცა ეს არ არის პირდაპირ პარტიული არჩევნები და პრეზიდენტი უნდა იყოს ზეპარტიული, მაინც ვაძლევთ ასეთ სურათს", - განაცხადა სალომე ზურაბიშვილმა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა