ვისურვებდი, რომ ჩვენ დავამკვიდროთ სხვაგვარი პოლიტიკური კულტურა ამ ქვეყანაში. ალბათ, ეს უკვე ამ არჩევნებზე ვერ მოხერხდება , - ამის შესახებ საპარლამენტო უმრავლესობის წევრმა თამარ ხულორდავამ საარჩევნო კამპანიაზე საუბრისას განაცხადა.

„საარჩევნო კამპანია იმ ფორმით არ მიმდინარეობს, რა ფორმითაც ვისურვებდი, რომ წინასაარჩევნო კამპანია წარმართულიყო. ძალიან ბევრი ნეგატივი და ძალიან ბევრი შეურაცხყოფაა, რომელიც კამპანიის ნაწილად იქცა. ეს არავითარ შემთხვევაში არ შეიძლება მოსაწონი იყოს. ვისურვებდი, რომ ჩვენ დავამკვიდროთ სხვაგვარი პოლიტიკური კულტურა ამ ქვეყანაში. ალბათ, ეს უკვე ამ არჩევნებზე ვერ მოხერხდება და შემდეგ არჩევნებზე უნდა ვიზრუნოთ ამისთვის“, - განაცხადა ხულორდავამ.

მისივე თქმით, საარჩევნო კამპანიასთან დაკავშირებული ნეგატივის მიზეზი პოლიტიკური გარემოს პოლარიზებაა.

„ეს არის პოლიტიკური გარემოს პოლარიზების ბრალი, რომელშიც დიდი წვლილი აქვთ რა თქმა უნდა, პოლიტიკურ აქტორებს. ასევე, სამწუხაროდ, დაპირისპირების გაღვივებაში მედიის, როგორც ინსტრუმენტის გამოყენება ხდება“, - განაცხადა ხულორდავამ.