რა თქმა უნდა, სალომე ზურაბიშვილი არათანაბარ მდგომარეობაშია ჩემთან შედარებით, - ამის შესახებ პრეზიდენტობის კანდიდატმა დავით უსუფაშვილმა ჟურნალისტებს სალომე ზურაბიშვილის განცხადების შეფასებისას განუცხადა, რომლის თანახმადაც, სალომე ზურაბიშვილი ამბობს, რომ ის როგორც ქალი კანდიდატი სხვა კანდიდატებთან მიმართებაში არათანაბარ მდგომარეობაშია. როგორც უსუფაშვილმა აღნიშნა, სალომე ზურაბიშვილი არათანაბარ პირობებშია, რადგან მას საარჩევნო პროცეში განსაკუთრებული უპირატესობები გააჩნია.

„მე ვადასტურებ, რომ სალომე ზურაბიშვილი არის არათანაბარ პირობებში, რადგან მას აქვს განსაკუთრებული უპირატესობები ამ პროცესში. ის ნამდვილად არათანაბარ მდგომარეობაშია. მას ზურგს უმაგრებს სახელისუფლებო რესურსი, მედიაკონგლომერატები და უძირო დაფინანსება. რა თქმა უნდა, ის არათანაბარ მდგომარეობაშია ჩემთან შედარებით“, - განაცხადა დავით უსუფაშვილმა.