ნათია მეზვრიშვილი და თემურ კეკელიძე საქართველო-აშშ-ის სტრატეგიული პარტნიორობის ქარტიის კომისიის სამუშაო ჯგუფის შეხვედრას დაესწრნენ

საქართველოს შინაგან საქმეთა მინისტრის მოადგილე, ნათია მეზვრიშვილი და სასაზღვრო პოლიციის უფროსი, თემურ კეკელიძე ვაშინგტონში საქართველო-აშშ-ის სტრატეგიული პარტნიორობის ქარტიის კომისიის თავდაცვისა და უსაფრთხოების სამუშაო ჯგუფის შეხვედრას დაესწრნენ.

როგორც „ინტერპრესნიუსს“ შს სამინისტროდან აცნობეს, აშშ-ის მხრიდან შეხვედრას პოლიტიკურ და სამხედრო საკითხებში სახელმწიფო მდივნის თანაშემწის მოქმედი მოადგილე კევინ ოკიფი და თავდაცვის მდივნის ოფისის ბალკანეთის, კავკასიისა და შავი ზღვის საქმეთა დირექტორი ტიფანი პეტროსი დაესწრნენ.

მათივე ცნობით, მხარეებმა უსაფრთხოების კუთხით რეგიონში არსებულ მდგომარეობასა და ტრანსნაციონალური საფრთხეების წინააღმდეგ თანამშრომლობის გაღრმავების პერსპექტივებზე იმსჯელეს.

„საუბარი შეეხო ასევე შინაგან საქმეთა სამინისტროსა და სასაზღვრო პოლიციაში მიმდინარე რეფორმებს და ამ პროცესში ამერიკის შეერთებული შტატების მხარდაჭერის მნიშვნელობას.

შეხვედრის მონაწილეებმა ევროატლანტიკურ სტრუქტურებში გაწევრიანების კუთხით ქვეყნის მიერ მიღწეულ პროგრესი, თავდაცვისა და უსაფრთხოების სფეროში განხორციელებული და მიმდინარე რეფორმები განიხილეს. მხარეებმა, ასევე, ბრიუსელის სამიტის ფარგლებში მიღებული გადაწყვეტილების შესახებ იმსჯელეს, რომელიც ნატო-საქართველოს შორის შავი ზღვის უსაფრთხოების სფეროში პრაქტიკული თანამშრომლობის განვითარებას გულისხმობს“, - ნათქვამია შს სამინისტროს მიერ გავრცელებულ ინფორმაციაში.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 28.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
შეუდარებელი QLED 8K ტელევიზორი სამსუნგისგან
Jeep-ის ცენტრში დიდი ფასდაკლების აქცია დაიწყო