პრემიერ-მინისტრმა მამუკა ბახტაძემ მოსახლეობას „თბილისობა“ მიულოცა. როგორც „ინტერპრესნიუსს“ პრემიერის პრესსამსახურიდან აცნობეს, მთავრობის მეთაური რიყის პარკში იმყოფებოდა, სადაც წარმოდგენილი იყო სხვადასხვა ღონისძიება, მათ შორის - ყვავილების ფესტივალი - „შემოდგომის დღესასწაული“, კონცერტი ესტრადის ვარსკვლავების მონაწილეობით, საბავშვო გასართობი პროგრამები, გასტრონომიული ფესტივალი და რარიტეტული ავტომანქანების გამოფენა.

მამუკა ბახტაძე რიყის პარკში თბილისის მერ კახა კალაძესთან ერთად იმყოფებოდა.

„თბილისობა 2018“ 6 და 7 ოქტომბერს იმართება. ღონისძიებები დაგეგმილია „დედაენის ბაღში“, რიყის პარკში, პირველი რესპუბლიკის მოედანზე, ევროპის მოედანზე, მეიდანზე და ლეღვთახევში.