ევროპის მოედანზე „თბილისური ვოდევილის“ პრემიერა გაიმართა

ევროპის მოედანზე მიუზიკლის - „თბილისური ვოდევილი“ პრემიერა გაიმართა, რომელშიც მუსიკისა და დრამის თეატრის მსახიობები და ქართული ესტრადის ვარსკვლავები მონაწილეობდნენ.

როგორც „ინტერპრესნიუსს“ თბილისის მერიიდან აცნობეს, პრემიერას დედაქალაქის მერი კახა კალაძე, მერის მოადგილე სოფიო ხუნწარიასთან ერთად დაესწრო და საზოგადოებას კიდევ ერთხელ მიულოცა „თბილისობა“. დედაქალაქის მერის მოადგილის, სოფიო ხუნწარიას თქმით, ვოდევილის პრემიერა საგანგებოდ „თბილისობისთვის“ შედგა.

„სპეციალურად „თბილისობისთვის“ დაიწერა ყველა ის სიმღერა, რომელიც სცენაზე გაჟღერდა. დავით დოიაშვილმა სცენაზე წარმოგვიდგინა მულტიკულტურული თბილისი. თბილისური ეზო, რომელშიც ცხოვრობენ სომხები, აზერბაიჯანელები, ებრაელები, იეზიდები, პირდაპირ რიყის პარკში გაცოცხლდა“, - განაცხადა სოფიო ხუნწარიამ.

მიუზიკლის სიუჟეტი აღებულია მეცხრამეტე საუკუნის დრამატურგის, ზურაბ ანტონოვის ცნობილ პიესიდან - „მზის დაბნელება საქართველოში“. დადგმა ქართული ვოდევილების თავისუფალ ინტერპრეტაციას წარმოადგენს. სპექტაკლის რეჟისორია დავით დოიაშვილი, მუსიკის ავტორი - კომპოზიტორი რუსა მორჩილაძე, მხატვარი - ანა ნინუა, ხოლო ქორეოგრაფი - თეა გობეჯიშვილი.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან