კახა კალაძე - ჩანაწერები გაყალბებული და მიჭრილ-მოჭრილია, რაც წინა ხელისუფლების ხელწერაა

ჩანაწერები გაყალბებული და მიჭრილ-მოჭრილია და ეს წინა ხელისუფლების ხელწერაა, - ასე ეხმაურება დედაქალაქის მერი კახა კალაძე "ომეგა ჯგუფთან" დაკავშირრბით გავრცელებულ ფარულ აუდიოჩანაწერებს.

"ფარულ ჩანაწერებს რაც შეეხება, როგორც სამხარაულმა, ასევე ლონდონის ერთ-ერთმა უძლიერესმა საექსპერტო ბიურომ დაასკვნა, რომ ეს არის გაყალბებული, ამოჭრილ-მიჭრილ-მოჭრილი ჩანაწერები, ეს წინა ხელისუფლების ხელწერაა და ჩვენ ასეთი ჩანაწერების არაერთი მაგალითი გვახსოვს, ვინ იყო ამის შემოქმედი საზოგადოებამ კარგად იცის", - განაცხადა კალაძემ.

რაც შეეხება "ომეგას" დამფუძნებელ ზაზა ოქუაშვილთან ბიძინა ივანიშვილის შეხვედრას, კალაძე აცხადებს, რომ ბიზნესის მხარდაჭერა ყოველთვის მოხდება. მისივე თქმით, ბიძინა ივანიშვილთან შეხვედრის შესახებ ინფორმაცია კი არავის დაუმალავს, გახარიამაც აღნიშნა, რომ შეხვედრა შედგა. „ის, რომ ბიზნესის წარმომადგენლებთან შეხვედრები იმართება, ხდება მხარდაჭერა, ჩვენ კარგად გვესმის, რომ ბიზნესი ეკონომიკის განვითარების ერთ-ერთი მამოძრავებელი ძალაა და მისი სწორად მუშაობა, ხალხის დასაქმება არის ძალიან მნიშვნელოვანი, შესაბამისად, ჩვენი მხრიდან ყოველთვის ხდებოდა მხარდაჭერა ბიზნესის მიმართ და ეს მომავალშიც ასე იქნება",-განაცხადა კალაძემ.

ამასთან, კახა კალაძემ ყოფილი მთავარი პროკურორის ოთარ ფარცხალაძის მიერ "ომეგას" საქმეში შესაძლო მონაწილეობაზე განაცხადა, რომ მან კონკრეტული დეტალები არ იცის. "მე ეს დეტალები და კონკრეტული საქმეები არვიცი. თუ ვინმეს მიმართ არსებობს დამადასტურებელი ფაქტი, მტკიცებულება, რა თქმა უნდა, გამოძიება უნდა დაიწყოს, პროკურატურა უნდა დაინტერესდეს და ყველა დამნაშავემ კანონის წინაშე უნდა აგოს პასუხი. ამაზე ორი აზრი არ არსებობს",- განაცხადა კალაძემ.

"ომეგა ჯგუფის" საქმესთან დაკავშირებით ბოლო პერიოდში რამდენიმე აუდიოჩანაწერი გავრცელდა, რომელზეც პროკურატურამ გამოძიება 12 სექტემბერს დაიწყო.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“