საქართველოს პარლამენტის თავმჯდომარე ირაკლი კობახიძე ნიკოლოზ ბასილაშვილს გამარჯვებას ულოცავს. „საქართველოს კიდევ ერთი გამარჯვება - ნიკოლოზ ბასილაშვილი ჩინეთის ღია პირველობის გამარჯვებულია! ვულოცავ ნიკოლოზს და მის ყველა გულშემატკივარს!

#საქართველოიგებს“, - ნათქვამია ირაკლი კობახიძის მისალოც წერილში.

ნიკოლოზ ბასილაშვილმა ჩინეთის ღია პირველობა მოიგო. ქართველმა ჩოგბურთელმა ფინალში არგენტინელი ხუან დელ პოტრო ორ სეტში ანგარიშით 6:4, 6:4 დაამარცხა.

ბასილაშვილმა ამ სეზონში მეორეჯერ მოიგო ATP ტურნირი, მან 500 სარეიტინგო ქულა გამოიმუშავა და 733 320 დოლარი ერგო. ეს იმას ნიშნავს, რომ ნიკა 23-ე ჩოგანი გახდება.

ტურნირის საპრიზო ფონდი 4 658 510 დოლარი იყო.