პარიზში, ელისეის მინდვრებზე მომხდარი სროლების შედეგად, ორი ადამიანის ჯანმრთელობის მდგომარეობა კრიტიკულია. ამის შესახებ ფრანგული მედია იუწყება.
დაჭრილები არიან 30 წლამდე მამაკაცები, რომლებიც მძიმე მდგომარეობაში საავადმყოფოში გადაიყვანეს. ბოროტმოქმედებმა ავტრომანქანა დაცხრილეს, რომელშიც მძღოლი და მგზავრი იმყოფებოდნენ. ადგილზე მისულ სამართალდამცველებს ისინი დასისხლიანებული, უგონო მდგომარეობაში დახვდათ.
თავდამსხმელები შემთხვევის ადგილიდან მიიმალნენ. გამოძიების ვერსიით, მომხდარი ურთიერთობების გარჩევას უკავშირდება.