სალომე ზურაბიშვილი - ოკუპირებული ტერიტორიები არის ჩვენი მთავარი დასაძლევი

ოკუპირებული ტერიტორიები არის ჩვენი მთავარი დასაძლევი - არ ვართ და არც ვიქნებით მთლიანად თავისუფალი და ბოლომდე დამოუკიდებელი, სანამ ამასაც არ დავძლევთ, - ამის შესახებ პრეზიდენტობის კანდიდატმა სალომე ზურაბიშვილმა, ლაგოდეხში ამომრჩეველთან შეხვედრისას განაცხადა.

“ჩვენ ძალიან გვჭირდება, რომ ჩვენი ახალგაზრდები იყვნენ ინიციატივების მქონე და მათ ინიციატივებს ხელი უნდა შევუწყოთ. მე, როგორც პრეზიდენტი, ვაპირებ, რომ ყველანაირად ხელი შევუწყო მათ, ვისაც აქვს რამე ხედვა და ოცნება და იციან, რა უნდათ ამ ქვეყნიდან და როგორ გააკეთონ. ეს არის ძალიან მნიშვნელოვანი. ყველა ვართ დარწმუნებული, რომ ახალი თაობა, რომელიც მოდის იდეებით და ინიციატივებით იქნება ნამდვილად თავისუფალი თაობა, რომელიც გავა 21–ე საუკუნეში. ჩვენ კიდევ ძალიან ბევრი რამ გვაფერხებს ამ გადასვლაში, პირველ რიგში, ოკუპირებული ტერიტორიები, რომელიც არის ჩვენი მთავარი დასაძლევი. არ ვართ და არც ვიქნებით მთლიანად თავისუფალი და ბოლომდე დამოუკიდებელი, სანამ ამასაც არ დავძლევთ. ეს არის ჩვენი ტკივილი და მთავარი მოვალეობა და ამასაც, როგორც პრეზიდენტი ძალიან კარგად გავითვალისწინებ. ვიცი, რომ ეს არის ჩემი ერთ–ერთი მოვალეობა, რამდენად, სანამდე და როდის შევძლებთ ამას დღეს ნამდვილად არ ვიცით, მაგრამ ეს იქნება ჩემი ერთ–ერთი მთავარი მიზანი“, - განაცხადა სალომე ზურაბიშვილმა.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის