ბულგარეთში, სავარაუდოდ, პროფესიული საქმიანობისთვის, ჟურნალისტი მოკლეს

ბულგარეთის ქალაქ რუსეში რეგიონული არხის TVN-ის ადმინისტრაციული დირექტორი და წამყვანი ვიქტორია მარინოვა სასტიკად მოკლული იპოვეს. ამის შესახებ ადგილობრივი მედია იუწყება.

პოლიციის ხელმძღვანელის განცხადებით, 30 წლის ქალბატონის ცხედარი დუნაისთან ახლოს, მწვანე ზონაში იპოვეს. რამდენიმე მეტრის დაშორებით მოკლული ჟურნალისტის პირადი ნივთები ნახეს. შორიახლოს მისი კუთვნილი ავტომობილი ეყენა. წინასწარი მონაცემებით, გარდაცვალება თავში ჩარტყმამ და გაგუდვამ გამოიწვია. ადგილობრივი კრიმინალისტების განცხადებით, მსგავსი სისასტიკით მკვლელობის ფაქტები არ ახსენდებათ.

მკვლელობის მრავალ ვერსიათა შორის გამოძიება ჟურნალისტის პროფესიულ საქმიანობასაც განიხილავს. ადგილობრივი მედიის ცნობით, ერთ-ერთი ბოლო თემა, რომელზეც ჟურნალისტი მუშაობდა, ე.წ. „GPGate-სკანდალი იყო“, რომელიც ევროპული კავშირის ფონდიდან სახსრების დატაცებას უკავშირდებოდა. საუბარია ევროკავშირის მიერ დაფინანსებულ ინფრასტრუქტურის ობიექტების სამშენებლო პროექტებზე, რომლებითაც საკონსალტანგო ფირმები ფულს შოულობდნენ.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა