ჩვენ არც ერთხელ არ გვიკადრებია საზოგადოებისთვის ჩვენი შიდა კვლევების გამოტანა, რაც „ნაციონალურმა მოძრაობამ“ გააკეთა, - ასე გამოეხმაურა პარლამენტის თავმჯდომარე ირაკლი კობახიძე “რუსთავი 2“-ის დაკვეთით, „ედისონ რისერჩის“ მიერ ჩატარებულ კვლევას, რომლის მიხედვითაც საპრეზიდენტო არჩევნების რეიტინგში პირველ ადგილს გრიგოლ ვაშაძე იკავებს, მეორეს - დავით ბაქრაძე, მესამეს - შალვა ნათელაშვილი და ა.შ.

“ყველა პარტია ატარებს თავის შიდა კვლევებს. ჩვენც გვაქვს ჩვენი შიდა კვლევები და ზუსტად ამ კვლევებზე დაყრდნობით ვაცხადებ, რომ სალომე ზურაბიშვილი დამაჯერებლად იგებს ამ არჩევნებს, რაც არავისთვის არ არის სიურპრიზი. რაც შეეხება გრიგოლ ვაშაძეს, მან შეიძლება ამ არჩევნებში მეორე ადგილიც ვერ დაიკავოს. ეს არის რეალობა. ჩვენ არც ერთხელ არ გვიკადრებია საზოგადოებისთვის ჩვენი შიდა კვლევების გამოტანა, რაც „ნაციონალურმა მოძრაობამ“ გააკეთა. ეს არის რეალური სურათი. სალომე ზურაბიშვილი დამაჯერებლად იგებს ამ არჩევნებს, რაც საზოგადოებასთვის არ არის გასაკვირი. ბოლოდროინდელი ტენდენციაა, რომ გრიგოლ ვაშაძე მეორე ადგილზეც ვერ გავიდეს“, - განაცხადა ირაკლი კობახიძემ.