სერბეთი სამხედრო ნეიტრალიტეტს შეინარჩუნებს, თუმცა ნატო-სთან თანამშრომლობაზე უარს არ ამბობს, - ამის შესახებ სერბეთის ქალაქ მლადენოვაცში ნატო-ს საერთაშორისო წვრთნების „სერბეთი-2018“-ის გახსნაზე სიტყვით გამოსვლისას ქვეყნის პრეზიდენტმა ალექსანდარ ვუჩიჩმა განაცხადა.
„სერბეთი სამხედრო კუთხით ნეიტრალური ქვეყანაა და ჩვენ შევინარჩუნებთ ამ ნეიტრალიტეტს, თუმცა გავაგრძელებთ ნატო-სთან თანამშრომლობას. მსურს მადლობა გადავუხადო ალიანსის გენერალურ მდივანს იენს სტოლტენბერგს, რომელსაც არანაირად არ უცდია სერბეთის დამოუკიდებელ გადაწყვეტილებაზე ზეგავლენის მოხდენა. სერბეთი გააგრძელებს ნატო-სთან თანამშრომლობას და კარგ ურთიერთობებს რუსეთთან და ჩინეთთან“, - განაცხადა ვუჩიჩმა.