სოფო კილაძე - დემოკრატიისთვის საზიანოა, როცა არასამთავრობო სექტორის ზოგიერთი წარმომადგენელი ბოროტად იყენებს თავის პოზიციას

დემოკრატიისთვის საზიანოა, როცა არასამთავრობო სექტორის ზოგიერთი წარმომადგენელი ბოროტად იყენებს თავის პოზიციას, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, სოფო კილაძემ განაცხადა.

კილაძე გამოეხმაურა პარლამენტის თავმჯდომარის, ირაკლი კობახიძის განცხადებას, რომელმაც თქვა, რომ "რუსთავი 2" ის გენერალურმა დირექტორმა ფაშისტური განცხადებები გააკეთა.

„მე მგონია, რომ დემოკრატიულ საზოგადოებაში არასამთავრობო სექტორის როლი არის მნიშვნელოვანი, თუმცა იმავდროულად დემოკრატიისთვის საზიანოა ასევე, როცა არასამთავრობო სექტორის ზოგიერთი წარმომადგენელი ბოროტად იყენებს თავის პოზიციას. მე არ მგონია, რომ ირაკლი კობახიძის განცხადებაში რაიმე ფაშისტური ყოფილიყო, პირიქით, მან მოუწოდა არასამთავრობო სექტორს, დაინტერესდნენ იმ ფაშისტური განცხადებებით, რომლებიც კეთდება. არის შემთხვევები, როცა ასეთ საკითხებზე ატყდება აჟიოტაჟი და ძალიან რთულ პრობლემებზე არავინ არაფერს ამბობს, ეს აჩენს სერიოზულ კითხვის ნიშნებს. არასამთავრობო სრქტორის როლი და მნიშვნელობა ჩვენი დემოკრატიისთვის ფასდაუდებელი", - განაცხადა სოფო კილაძემ.

დეპუტატი მიიჩნევს, რომ ირაკლი კობახიძემ გააკეთა ადეკვატური განცხადება, რადგან მან დაგმო ყველანაირი ძალადობრივი მოწოდებების გამოვლინება.

შეგახსენებთ, „რუსთავი 2“-ის გენერალურმა დირექტორმა ნიკა გვარამიამ რამდენიმე დღის წინ „ფეისბუქზე" დაწერა: "ყველა, ვინც სალომე ზურაბიშვილს ან აფინანსებს, ან კამპანიაში სხვაგვარად ეხმარება, ყველა პოლიტიკოსი, რომელიც დაყვება და მხარს უჭერს, უკიდურესად უნდა შევავიწროვოთ".

დღეს გამართულ პრესკონფერენციაზე პარლამენტის თავმჯდომარე ირაკლი კობახიძემ ნიკა გვარამიას ამ განცხადებას "ხელმოცარული და უნიათო ფაშისტის განცხადება" უწოდა. მისივე თქმით, ვინც ხელს აფარებს ფაშიზმს, თავადაც ფაშიზმის თანამონაწილეა. "სამწუხაროა, რომ ასეთი ადამიანები არასამთავრობოების ხელმძღვანელ პირებს შორისაც არიან", -აღნიშნა კობახიძემ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა