კომპანია „ჯორჯიან უოთერ ენდ ფაუერმა“ დიდუბის რაიონში, უზნაძის ქუჩაზე წყალსადენის ქსელი განაახლა. როგორც „ინტერპრესნიუსს“ კომპანიიდან აცნობეს, „ჯორჯიან უოთერ ენდ ფაუერმა“ წყალმომარაგების სისტემის სტაბილურობისთვის ახალ ქსელზე ევროსტანდარტის ჩამკეტ-მარეგულირებელი ურდულები დაამონტაჟა. პროექტის საინვესტიციო ღირებულება 50 000 ლარზე მეტს შეადგენს.

რეაბილიტაციის ბოლო ეტაპს - ახალ ქსელზე გადაერთებას კომპანია ხვალ, 12 ოქტომბერს განახორციელებს.

მათივე ინფორმაციით, სამუშაოების მიმდინარეობისას წყალსადენის ქსელის წყლისგან დაცლაა აუცილებელი, რის გამოც ხვალ, 12 ოქტომბერს 13:00 საათიდან, 13 ოქტომბრის დილის 08:00 საათამდე, წყალმომარაგება შეეზღუდება დიდუბის რაიონში: უზნაძის, ჩხეიძის, დგებუაძის და მიმდებარე ქუჩებს.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, „ფეისბუქისა“ და ვებგვერდის მეშვეობით - http://www.gwp.ge

„ჯორჯიან უოთერ ენდ ფაუერი“ დისკომფორტისთვის ბოდიშს უხდის მომხმარებლებს.