ადვოკატი - ოთარ ფარცხალაძის საცხოვრებელი სახლი არის თანამედროვე დიზაინის, ღია, ნათელი და კომფორტული

ყოფილი მთავარი პროკურორის ოთარ ფარცხალაძის ადვოკატი, მისი დაცვის ქვეშ მყოფის სახლზე მომზადებულ სიუჟეტს ეხმაურება და აცხადებს, რომ ფარცხალაძის მიმართ ცილისმწამებლური ინფორმაციები ვრცელდება. როგორც ფარცხალაძის ადვოკატმა გაგი მოსიაშვილმა განაცხადა, საცხოვრებელი სახლი დაპროექტებულია იმ პირის მიერ, ვისგანაც უძრავი ქონება ფარცხალაძემ შეიძინა. ამასთან, როგორც ადვოკატმა აღნიშნა, ფარცხალაძემ ქონება არა იოსებ დოლიძისგან არამედ დავით მამულაიშვილისგან შეიძინა და სამჯერ უფრო მეტი თანხა გადაიხადა, ვიდრე მამულაიშვილმა.

„იმის გათვალისწინებით, რომ ჩვენ ღია ვართ საზოგადოებისთვის და მედიისთვის, მიზანშეწონილად ვთვლით წარმოგიდგინოთ დოკუმენტალურად დადასტურებული ის მტკიცებულებები, რაც ფარდას ახდის და გამოააშკარავებს იმ ცილისმწამებლურ გარემოებებს, რაც ვრცელდება ოთარ ფარცხალაძის მიმართ. წყნეთში ე.წ. კაკლების მიმდებარე ტერიტორიაზე მიწის ნაკვეთები ოთარ ფარცხალაძემ შეიძინა დავით მამულაიშვილისგან. მამულაიშვილმა კი ეს მიწები შეიძინა იოსებ დოლიძისგან ნასყიდობის ხელშეკრულების საფუძველზე. მიწის შეძენის შემდეგ დავით მამულაიშვილმა დაიწყო გარკვეული სამუშაოები, აყავს არქიტექტორი და აშენებს სახლს. ერთი წლის თავზე უკვე დავით მამულაიშვილისგან ყიდულობს ფარცხალაძე უძრავ ქონებას და ის რეალიზაციას ახდენს სამჯერ უფრო ძვირად, ვიდრე დაუჯდა მიწის ნაკვეთების შეძენა. საცხოვრებელი სახლის პროექტირება განხორციელებულია დავით მამულაიშვილის მხრიდან. უნდა აღინიშნოს, რომ პროექტი საკმაოდ კარგი და საინტერესოა. მონაყოლი ამბავი, ვითომდა აღნიშნული საცხოვრებელი ბინა არის არასწორი, ფანჯრები რომ არ აქვს და ა.შ. რეალურად არის სიცრუე. საცხოვრებელი სახლი არის თანამედროვე დიზაინის, ღია, ნათელი კომფორტული“, - განაცხადა გაგი მოსიაშვილმა.

ამასთან, ადვოკატის ინფორმაციით, არავითარი კავშირი ევროინტეგრაციის საკითხებში ყოფილი სახელმწიფო მინისტრის ალექსი პეტრიაშვილის დაჭრის საქმესა და ფარცხალაძის მიერ უძრავი ქონების შეძენას შორის არ არის.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს