ჟურნალისტის გაუჩინარების საქმეზე,  ანკარაში, საუდის არაბეთის საკონსულოში ჩხრეკა 9 საათის განმავლობაში მიმდინარეობდა

თურქეთის პოლიციის ექსპერტების ჯგუფმა ანკარაში საუდის არაბეთს საკონსულოში ჩხრეკა ჩაატარა.

ადგილობრივი მედიის ინფორმაციით, ჯგუფი კონტრტერორისტული და კრიმინალური პოლიციის წარმომადგენლებისგან შედგებოდა. ჩხრეკა საკონსულოს შენობაში 9 საათს გრძელდებოდა.

ჩხრეკის ფარგლებში ექსპერტებმა ასევე საკონსულოს ტერიტორიაზე მდებარე სკვერიდან ნიადაგის სინჯები აიღეს.

აღსანიშნავია, რომ ჩხრეკის პროცესს საუდელი ექსპერტების ჯგუფიც ესწრებოდა.

წარმოშობით საუდელი ჟურნალისტი ჯამალ ჰაშქაჯი ერ-რიადის მიმართ კრიტიკული განცხადებებით არის ცნობილი. 2017 წელს მან სამშობლო დატოვა და საცხოვრებლად აშშ-ში გადავიდა. მიმდინარე წლის 2 ოქტომბერს ის სტამბოლში, საუდის არაბეთის გენერალურ საკონსულოში მივიდა, იმის შემდეგ რაც საკონსულოს თანამშრომლები მას ტელეფონით დაუკავშირდნენ და გარკვეული დოკუმენტების ხელმოწერის მიზნით საკონსულოში მისვლა სთხოვეს. ჰაშქაჯი საკონსულოში საცოლესთან ერთად მივიდა, თუმცა ის შენობაში არ შეუშვეს. შესვლიდან 5 საათის შემდეგ საკონსულოში ჟურნალისტის საცოლეს განუცხადეს, რომ ჰაშქაჯი უკვე წავიდა. ჟურნალისტის ოჯახი და მეგობრები ვარაუდობენ, რომ ჯამალ ჰაშქაჯი საუდის არაბეთის საკონსულოშია მოკლული.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს