მირზა სუბელიანთან ადვოკატები შევიდნენ

გლდანის მე-8 სასჯელაღსრულების დაწესებულებაში, პროკურატურის ყოფილ მაღალჩინოსან მირზა სუბელიანთან ადვოკატები - ეკა ხუციშვილი და ინგა ჩალაური შევიდნენ.

ადვოკატ ეკა ხუციშვილმა პენიტენციურ დაწესებულებაში შესვლამდე ჟურნალისტებთან მცირე კომენტარი გააკეთა და აღნიშნა, რომ მირზა სუბელიანთან პოზიციის შესათანხმებლად შედიან.

"გუშინ გავიგე ჩანაწერის შესახებ და დღეს მას ვხვდებით პირველად. ამ დრომდე აღნიშნულ საკითხზე არასდროს გვისაუბრია. საკითხზე მისი პოზიცია არ ვიცი და თავს ვიკავებ განცხადებისგან," - განაცხადა ეკა ხუციშვილმა.

პროკურატურის ინფორმაციით, დღეს უნდა მოხდეს პენიტენციურ დაწესებულებაში მირზა სუბელიანის გამოკითხვა. კითხვაზე: დაესწრებიან თუ არა ადვოკატები მირზა სუბელიანის გამოკითხვას, ეკა ხუციშვილის თქმით, მირზა სუბელიანთან შეთანხმების გარეშე წინასწარ ვერ ისაუბრებს.