საფრანგეთის სახელმწიფო მდივანი პარლამენტთან ურთიერთობების საკითხში კრისტოფ კასტანერი შს მინისტრად დაინიშნა, - ამის შესახებ ინფორმაციას ფრანგული მედია ავრცელებს.
საფრანგეთის შს მინისტრის პოსტი ვაკანტური მას შემდეგ გახდა, რაც 3 ოქტომბერს ჟერარ კოლონი თანამდებობიდან გადადგა.
კრისტოფ კასტანერი პრეზიდენტ ემანუელ მაკრონის ერთ-ერთი უახლოესი პოლიტიკური თანამებრძოლია. გარდა პარლამენტთან ურთიერთობების საკითხში სახელმწიფო მდივნის თანამდებობისა, ის ასევე იკავებდა მმართველი პარტიის აპარატის ხელმძღვანელის პოსტს.
მთავრობაში ახალი დანიშვნების შესახებ განცხადება დღეს ოფიციალურად გაკეთდება.