გიორგი მარგველაშვილი - იმ ადამიანებს მინდა მივმართო, ვინც იარაღით ხელში იცავთ ქვეყანას: მიუხედავად პოლიტიკური დებატებისა, თქვენი მოვალეობაა, დაიცვათ საქართველოს ტერიტორიული მთლიანობა

არასდროს დადგება კითხვის ნიშნის ქვეშ საქართველოს უფლება გაანადგუროს მტერი თავის ტერიტორიაზე, დაიცვას ქვეყნის სუვერენიტეტი და ეს არის ის უფლება რაზეც შენდება სახელმწიფო, - ამის შესახებ საქართველოს პრეზიდენტმა გიორგი მარგველაშვილმა პრეზიდენტის სასახლეში მიმდინარე პრესკონფერენციაზე განაცხადა. მისი თქმით, ამ საკითხთან დაკავშირებით შემაშფოთებელი განცხადებები ესმის. მანვე ჯარისკაცებს მიმართა და აღნიშნა, რომ საქართველო მათით ამაყობს.

„ვადევნებ თვალყურს მიმდინარე მოვლენებს. მაქვს მოლოდინი, რომ მიმდინარე საარჩევნო კამპანია და საპრეზიდენტო არჩევნები უნდა გახდეს ქვეყნის დემოკრატიის გზაზე წინგადადგმული ნაბიჯი. ჩემთვის, შემაშფოთებელი ნიშნები დავინახე. როგორც ამ ქვეყნის მოქალაქეს, პრეზიდენტს და უმაღლეს მთავარსარდალს, ჩემთვის მნიშვნელოვანია ქართული ჯარის საკითხი. არსებული კამპანიის მიმდინარეობისას ჩემთვის შემაშფოთებელი იყო ეს თემა. დღეს, იმ ადამიანებს მინდა მივმართო ვინც იარაღით ხელში ჩვენს ქვეყანას იცავთ: იცოდეთ, მიუხედავად პოლიტიკური დებატებისა, თქვენი წმინდა მოვალეობაა, დაიცვათ საქართველოს ტერიტორიული მთლიანობა, იყოთ მტკიცე თქვენი სიცოცხლის, პროფესიონალიზმის მეშვეობით ჩვენი მოქალაქეების დაცვაში. არასდროს დადგება კითხვის ნიშნის ქვეშ საქართველოს უფლება გაანადგუროს მტერი თავის ტერიტორიაზე, დაიცვას ქვეყნის სუვერენიტეტი და ეს არის ის უფლება რაზეც შენდება სახელმწიფო. თქვენი გმირობა ბრძოლის ველზე ყოველთვის იყო და იქნება დაფასებული. ქართველი ხალხი მადლიერია თქვენი თავგანწირვით. ამ პოლიტიკურმა დებატებმა თქვენზე არ უნდა იმოქმედოს. იცოდეთ, რომ საქართველო, რომელიც ოკუპირებულია რუსეთის მიერ და რომელიც უსამართლო და უსაფუძვლო ომში იქნა თავდასხმის ობიექტი, ამ საქართველოსთვის სამსახურს მოქალაქეები გიფასებენ და მადლიერნი არიან ამისთვის“, - განაცხადა პრეზიდენტმა.

იხილეთ ვიდეო: პრეზიდენტის საგანგებო განცხადება - მარგველაშვილის პოზიცია მიმდინარე მოვლენებზე

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა