ეკა ბესელიამ ცხარე დებატების შემდეგ, სალომე სამადაშვილს კომიტეტის სხდომა დაატოვებინა

იურიდულ საკითხთა კომიტეტის თავმჯდომარემ ეკა ბესელიამ ფრაქცია „ნაციონალური მოძრაობის“ წევრს, სალომე სამადაშვილს კომიტეტის სხდომა დაატოვებინა.

ცხარე დებატები დეპუტატებს შორის მას შემდეგ დაიწყო, რაც სალომე სამადაშვილმა მირზა სუბელიანთან დაკავშირებულ ჩანაწერებზე „ქართული ოცნების“ მისამართით კრიტიკული განცხადებები გააკეთა და თქვა, რომ სუბელიანსა და ფარცხალაძეს ხელისუფლების წარმომადგენლები მძევლად ჰყავთ აყვანილი.

ეკა ბესელიამ სამადაშვილს თავდაპირველად მოუწოდა დამორჩილებოდა რეგლამენტს, ამასთან, მან სალომე სამადაშვილს საპასუხო პოლიტიკური ბრალდებებით მიმართა.

„თქვენ წარმოადგენთ „ნაციონალურ მოძრაობას“, რომელსაც მთელი საზოგადოება ჰყავდა მძევლად აყვანილი, თქვენი დრო დასრულდა. ვერ გიშველით სპექტაკლი ან მიბრძანდით ან გაჩუმდით“, - მიმართა ბესელიამ სამადაშვილს და აქვე მას „მიშას თოჯინა“ უწოდა.

მანამდე, სალომე სამადაშვილმა გააკეთა შემდეგი შინაარსის განცხადება: „ფარცხალაძე მოიყვანეთ აქ, ბიძინას თოჯინის მოსმენა მოგვბეზრდა“.

ბესელიამ კომიტეტის სხდომაზე კიდევ ერთხელ დაადასტურა, რომ მირზა სუბელიანთან დაკავშირებით ჩანაწერებზე პარლამენტში მოსმენა გაიმართება.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს