ირაკლი კობახიძე გერმანიის ფედერაციული რესპუბლიკის ელჩს შეხვდა

საქართველოს პარლამენტის თავმჯდომარე ირაკლი კობახიძემ გერმანიის ფედერაციული რესპუბლიკის ახლად დანიშნულ საგანგებო და სრულუფლებიან ელჩთან ჰუბერტ კნირშთან გაცნობითი ხასიათის შეხვედრა გამართა.

პარლამენტის ინფორმაციით, ირაკლი კობახიძემ ელჩს თანამდებობაზე დანიშვნა მიულოცა და გერმანიის მხრიდან საქართველოს სახელმწიფოებრიობის განმტკიცებაში შეტანილი განსაკუთრებული წვლილისთვის მადლობა გადაუხადა.

პარლამენტის თავმჯდომარემ ხაზგასმით აღნიშნა ქვეყანაში მიმდინარე დემოკრატიული რეფორმირების პროცესში გერმანული ორგანიზაციებისა და ფონდების, ასევე, გერმანიის ბუნდესტაგის როლი.

მხარეებმა ორმხრივი ურთიერთობის საკითხებზე ისაუბრეს. მათი შეფასებით, ყველა სფეროში თანამშრომლობის გაძლიერების მნიშვნელოვანი პოტენციალი არსებობს. ყურადღება გამახვილდა საპარლამენტთაშორისო კავშირების კიდევ უფრო გააქტიურებაზე.

ირაკლი კობახიძემ და გერმანიის ფედერაციული რესპუბლიკის ელჩმა მჭიდრო თანამშრომლობისთვის მზადყოფნა დაადასტურეს.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ