ჯეიმს მატისმა განაცხადა, რომ დონალდ ტრამპის ასპროცენტიანი მხარდაჭერით სარგებლობს

აშშ-ს თავდაცვის მდივანმა ჯეიმს მატისმა განაცხადა, რომ ქვეყნის პრეზიდენტის დონალდ ტრამპის ასპროცენტიანი მხარდაჭერით სარგებლობს. ამის შესახებ საინფორმაციო სააგენტო Reuters იუწყება.

„დონალდ ტრამპმა მითხრა: შენთან ვარ 100%-ით“, - განუცხადა ჟურნალისტებს ჯეიმს მატისმა ვიეტნამში ვიზიტით გამგზავრებამდე.

აშშ-ს თავდაცვის მდივანმა ასევე კომენტარი გააკეთა ტრამპის მოსაზრებაზე, რომ მატისი „დემოკრატიული პარტიის“ მხარდამჭერია.

„მე არასოდეს ვყოფილვარ დარეგისტრირებული რომელიმე პარტიაში“, - აღნიშნა მან.

ჯეიმს მატისის შესაძლო გადადგომაზე დონალდ ტრამპმა ტელეარხ CBS-სთვის მიცემულ ინტერვიუში განაცხადა.