ანრი ოხანაშვილი - „ნაცმოძრაობა“ და მისი სატელიტი პარტიები ცდილობენ,  რომ გამოიწვიონ საზოგადოება

„ნაციონალური მოძრაობა“ და მისი სატელიტი პარტიები პროვოკაციებით და უცენზურო სიტყვებით ცდილობენ, რომ გამოიწვიონ საზოგადოება, შექმნან შუღლი და ამით წარმოაჩინონ, თითქოს ადგილი აქვს არაჯანსაღ გარემოს, - ამის შესახებ საპარლამენტო უმრავლესობის წევრმა ანრი ოხანაშვილმა განაცხადა.

ანრი ოხანაშვილის თქმით, მმართველი გუნდი არც ერთ პარტიას არ მისცემს უფლებას, წინასაარჩევნო გარემოს გადაყვანა პროვოკაციების ფონზე სცადოს.

„სტაბილური ფორმით ვაწარმოებთ ჩვენ წინასაარჩვენო კამპანიას. თქვენ მოგეხსენებათ, რომ ჩვენ მხარს ვუჭერთ დამოუკიდებელ კანდიდატს, ქალბატონ სალომეს, თუმცა, სამწუხაროდ, „ნაციონალური მოძრაობა“ და მისი სატელიტი პარტიები ყოველთვის ცდილობენ პროვოკაციებს და უცენზურო სიტყვებით, სალანძღავი სიტყვებით ცდილობენ, რომ გამოიწვიონ საზოგადოება, შექმნან შუღლი და ამითი წარმოაჩინონ, თითქოს ადგილი აქვს არაჯანსაღ გარემოს. ჩვენი პრინციპია მშვიდობიანი, ევროპული წინასაარჩევნო გარემოს შექმნა და ჩვენ ამ პრინციპს დავიცავთ. არც ერთ პარტიას არ მივცემთ იმის უფლებას, რომ ასეთი პროვოკაციების ფონზე სცადონ მათ ამ წინასაარჩევნო გარემოს გადაყვანა. ჩვენ მშვიდობიანად, ევროპული სტანდარტების დაცვით წარვმართავთ და გავაგრძელებთ წინასაარჩვენო გარემოს და ამ არჩევნებში დამაჯერებლად გაიმარჯვებს დამოუკიდებელი კანდიდატი, ქალბატონი სალომე ზურაბიშვილი“, - განაცხადა ანრი ოხანაშვილმა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ