ნიკა გვარამია - პროკურატურის მიერ გავრცელებული აუდიოჩანაწერი დადგმულია

„რუსთავი 2“-ის გენერალური დირექტორი ნიკა გვარამია მთავარი პროკურატურის მიერ გამოქვეყნებულ აუდიოჩანაწერს სამარცხვინოს უწოდებს. როგორც გვარამიამ ტელეკომპანიაში გამართულ პრესკონფერენციაზე განაცხადა, 15 ოქტომბერს დაანონსდა „რუსთავი 2“-ის ეთერით, რომ იგეგმებოდა იმ ჩანაწერის გამოქვეყნება, რომელიც დღეს მთავარმა პროკურატურამ გაავრცელა. გვარამიას თქმით, საგამოძიებო უწყების მიერ გავრცელებული აუდიოჩანაწერი დადგმულია.

„მინდა გამოვეხმაურო პროკურატურის მიერ დღეს გავრცელებულ სამარცხვინო ინფორმაციას, რომლითაც არამხოლოდ დასცინეს მთელ ქართველ ერს, გამოგვიცხადეს, რომ ჩვენი გონებრივი რესურსები არც თუ ისე სარწმუნოდ და მნიშვნელოვნად მიაჩნიათ, არამედ საქმის გაყალბების, სისტემური დანაშაულის დაფარვის საქმეში ჩაერთო მთელი სახელმწიფო აპარატი და ჩვენ მივიღეთ კიდევ ერთი სისტემური დანაშაული. პირველი, გუშინვე, ჩვენ დავაანონსეთ, ჩემი სტატუსით დაანონსდა და ასევე „კურიერშიც“ გავიდა ინფორმაცია იმის თაობაზე, რომ აღნიშნული ჩანაწერი მზადდებოდა გლდანის ციხეში და ამ ნამდვილად დადგმული ჩანაწერის შინაარსის აბსოლუტური სიზუსტით ვიწინასწარმეტყველეთ. მართლაც, დღეს გამოქვეყნებული ჩანაწერი ადასტურებს იმას, რომ ჩანაწერი დადგმულია და საქართველოს პროკურატურა კიდევ ერთხელ გაეხვა უმძიმეს სკანდალში და დანაშაულში, მთელ სახელმწიფო სისტემასთან ერთად“, - განაცხადა ნიკა გვარამიამ.

საქართველოს მთავარმა პროკურატურამ დღეს აუდიოჩანაწერი გაავრცელა, რომელიც სავარაუდოდ, პროკურატურის ყოფილი მაღალჩინის მირზა სუბელიანისა და დეპუტატ ვიქტორ ჯაფარიძის საუბარს ასახავს. პროკურატურის ცნობით, ჩანაწერში სავარაუდოდ, სუბელიანსა და ჯაფარიძეს შორის ზაფხულში გამართული საუბარია. მათივე განმარტებით, ჯამში სამი ჩანაწერი პენიტენციური სამსახურის იმ თანამშრომლის მეხსიერების ბარათიდან ამოიღეს, რომელსაც, პირადი ცხოვრების ამსახველი კადრების გასაჯაროების მუქარით, სუბელიანის ფარული ჩანაწერების გავრცელებას სთხოვდნენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს