გუგული მაღრაძე უარყოფს ინფორმაციას, თითქოს ციხის თანამშრომელი, რომელმაც მირზა სუბელიანის ჩანაწერი თავის თავზე აიღო, მისი დის შვილია

დეპუტატი გუგული მაღრაძე უარყოფს გავრცელებულ ინფორმაციას, რომლის თანახმად, "ციხის თანამშრომელი, რომელმაც მირზა სუბელიანის ჩანაწერი თავის თავზე აიღო, მისი დის შვილია.

„მინდა გამოვეხმაურო ერთ-ერთი მედია საშუალების მიერ დღეს გავრცელებულ კიდევ ერთ ყალბ ინფორმაციას ჩემ შესახებ, რომ "ციხის თანამშრომელი, რომელმაც მირზა სუბელიანის ჩანაწერი თავის თავზე აიღო, გუგული მაღრაძის დისშვილია“. გაცნობებთ, რომ ეს გახლავთ დეზინფორმაცია და საზოგადოების შეცდომაში შეყვანა ჩვენი ოპონენტების მხრიდან, რადგან მე საერთოდ არ მყავს და, დის შვილი ან ძმის შვილი. მოვუწოდებ ყველა მედიასაშუალებას, გადაუმოწმებელი ინფორმაციის გავრცელებისგან თავი შეიკავონ“, - აცხადებს გუგული მაღრაძე.