Politico - დონალდ ტრამპი გაერო-ში აშშ-ს ელჩის პოსტზე ჰიზერ ნაუერტის კანდიდატურას განიხილავს

აშშ-ს პრეზიდენტი დონალდ ტრამპი გაერო-ში აშშ-ს ელჩის პოსტზე აშშ-ს სახელმწიფო დეპარტამენტის ოფიციალური წარმომადგენლის ჰიზერ ნაუერტის კანდიდატურას განიხილავს. ამის შესახებ გამოცემა Politico თეთრ სახლში წყაროზე დაყრდნობით იუწყება.

„ჰიზერ ნაუერტი სახელმწიფო მდივან პომპეოსთან დაახლოებული პირი გახდა. თეთრი სახლი მიიჩნევს, რომ მას შეუძლია დაიცვას ტრამპის ადმინისტრაციის საგარეო პოლიტიკა“, - წერს გამოცემა.

თვითონ ჰიზერ ნაუერტმა უარი განაცხადა კომენტარი გაეკეთებინა თავის შესაძლო დანიშვნაზე აღნიშნულ თანამდებობაზე. კომენტარი ასევე არ გააკეთეს თეთრ სახლში.

შეგახსენებთ, რომ 9 ოქტომბერს ცნობილი გახდა, რომ გაერო-ში აშშ-ს ელჩი ნიკი ჰეილი ამ წლის ბოლოს თანამდებობას დატოვებს.